कैलाली, ६ भदौ/ नेपाल कम्युनिष्ट पार्टी (नेकपा) बझाङ जिल्ला कमिटी सचिवालयकोे बैठक सम्पन्न भएको छ । भदौ ३ गते देखि पार्टी कार्यालय चैनपुरमा बसेको सचिवालय बैठकले विभिन्न निर्णय गरेको छ, तर पार्टीले मष्टा गाउँपालिका अध्यक्ष कर्ण बहादुर कठायतलाई गर्ने भनेको कारबाहीमा भने खुट्टा कमायको छ ।
साउन १५ गते अध्यक्ष कठायतले मदिरा सेवन गरी सोही गाँउपालिका वडा नम्बर २ घर भएका ७५ बर्षीया वृद्ध पिरु रोकाया माथि बाटोको विषयलाई लिएर सर्वाजनीक रुपमै दुरव्यवहार गरेका थिए । उनले वृद्धलाई दुरव्यवहार गरेका भिडीयो समाजिक सञ्जालमा भाइरल भएपछि पार्टीले ५ दिनभित्र लिखीत स्पष्टीकरण माग गरेको थियो ।
अध्यक्ष कठायतको समाजिक सञ्जालमा भाइरल भिडीयो बारे पार्टीको गम्भीर ध्यानार्कषण भएको भन्दै भदौ ३ गते बस्ने पार्टी सचिवालय बैठ्कले कठायतलाई कारबाही गर्ने साउन १८ गते बसेको बैठ्कले निणर्य गरेको थियो । पार्टी विधान र नियमावलीको आधारमा कारबाही गर्ने भन्ने निर्णयबाट अहिले नेकपा जिल्ला कमिटी पछाडी हटेको छ । अध्यक्ष कठायतको उक्त भिडीयो बाहीर आएपछि नेकपा संग जोडेर निकै आलेचना भएको थियो ।
शुक्रबारको पत्रकार सम्मेलनमा पार्टी अध्यक्ष मिन बहादुर कुवँरले अध्यक्ष कठायतलाई पार्टीले कारवाही नगरेको बताए । अध्यक्ष कठायतले आफुबाट भएको गल्ति स्विकार गरेको भन्दै पार्टी निणर्यबाट पछि हटेको उनले बताए । साथै अध्यक्ष कठायतले समुदायमा गएर माफी माग्ने बताएकाले एक पटक पार्टीले सुध्रने मौका दिएको बताए ।
के थियो घट्ना ?
गाँउपालिकाका अध्यक्ष कर्णबहादुर कठायतले साउन १५ गते मदिरा सेवन गरी सोही गाँउपालिका वडा नम्बर २ घर भएका ७५ बर्षीया पिरु रोकाया माथि बाटोको विषयलाई लिएर सर्वाजनीक रुपमै दुरव्यवहार गरेका हुन । अध्यक्ष कठायतले बृद्ध माथि गरेको ब्यवहार को भिडीयो सामाजीक संजालमा भाईरल भएपछि कठायतको जिल्ला स्तरमा विभिन्न टिका टिप्पणी भएको थियो ।
गाँउपालिकाका अध्यक्ष कठायतले बृद्ध पिरु रोकायाको बाडेगाँउमा रहेको देउपाटो भन्ने स्थानमा खेलकुद मैदान बनाउन खोजेको र बृद्ध रोकायाले आफ्नो दर्ता भएको जमिन र भोकचलन गर्दै आएको जमिनमा आफ्नो जानकारी नगरी गाँउपालिकाले खेलमैदान बनाउन खोजेको कुरामा असहमती जनाएका थिए । बृद्धको असहमती भएपछि गाँउपालिकाका अध्यक्ष कठायतले मदिरा सेवन गरी बृद्ध रोकायालाई तथानाम गाली गलौज गरी हातपात गर्न तयार भएपछि स्थानीयहरुले गाँउपालिकाका अध्यक्षलाई रोकेका थिए ।
‘गाँउको विचमा रहेको गोल घरमा केही स्थानीयहरु बसेका थियौ’ घटनाका प्रत्यक्ष दर्सि कलक रोकायाले भने । ‘अध्यक्ष ज्यु आएपछि एक्कासि पिरु रोकायालाई गाली गलौज र दुरव्यवहार गरेको देख्दा हामीलााई पनि दुख लाग्यो ।’ सामाजिक संजालमा भाईरल भएको भिडीयोमा गरेको कुराकानी सुन्दा अध्यक्ष कठायतले आफ्नो पदिय हैसीयतको दुरुपयोग गरी घमण्डी र पाखण्डी स्वभाव देखाएको प्रष्ट देखीएको स्थानीको भनाई छ ।
बृद्ध पिरु रोकायाका छोरा हरिचन्द्र रोकायाले गाँउपालिकाका अध्यक्षले आफ्नो बुबा प्रति गरेको ब्यवहार गैर कानुनी भएकाले सम्बन्धित निकायले यसको छानविन गर्नु पर्ने माग गरेका छन् । उनले भने ‘सार्वजनीक प्रयोगका लागी जग्गा आवश्यक भए बुबा र आफुहरु संग सर–सल्लाह गरेर जग्गा निशुल्क पनि उपलब्ध गराउन सकीन्छ तर अध्यक्षको यस्तो खालको दादागिरी र रबैयाले हामी सबैलाई चोट लागेको छ ।’
यस अघि पनि अध्यक्षको कार्यशैली र ब्यवहारले एक पटक कालो मुसो लगाएको थियो भने स्थानीयहरु संग पनि दुई तिन पटक यस्तै लफडा भएको थियो ।