बझाङ, ३ भदौ/ बझाङको बुङगल नगरपालिका–५ मिडिमा पहिरो खस्दा बेपत्ता भएका दुई बालको शव भेटिएको छ। गएराति करिब १ बजेतिर गएको पहिरोमा पुरिएर १४ वर्षीय सचिन ताम्राकार र ३ वर्षीय बालक सुदीप ओखेडाको ज्यान गएको हो। माथिबाट आएको पहिरोले स्थानीय प्रताप ताम्राकारको घर पुर्ण रुपमा पुरिएको छ। प्रताप रोजगारीको शिलशिलामा भारतको बैङ्लोरमा छन्‌।
ज्यान गुमाएका सचिन प्रतापका छोरा हुन्‌।​पहिरोमा पुरिँदा सचिनकी ४० वर्षीया श्रीमती पिपला ताम्राकार, १८ वर्षकी छोरी सुनिता, १२ वर्षकी सन्तोषी ताम्राकार र १६ वर्षका छोरा अनिल ताम्राकार घाइते भएका छन्। घाइते चारै जनाको खिरातडी स्वास्थ्य चौकीमा उपचार भइरहेको ईलाका प्रहरी कार्यालय बुङगलले जनाएको छ। पहिरोमा पुरिएका ४ जनाको नेपाल प्रहरी र स्थानीयको सहयोगमा उद्धार गरिएको छ।