बैतडी, २ भदौ/ बैतडीमा खाल्डोमा डुबेर मृत्यु भएका दुई बालकका परिवारलाई १० लाख क्षतिपूर्ती दिने सहमति भएको छ । आज मृतकका परिवार, निर्माण व्यवसायी र जनप्रतिनिधीहरुबीच पीडित परिवारलाई १० लाख क्षतिपूर्ती दिने सहमति पछि परिवारले दुवै बालकको शव बुझेका छन।

सोमबार बैतडीको दशरथचन्द नगरपालिका २ देहीमाण्डौंका १४ बर्षीय अंकित लाबड र ११ बर्षीय सन्दीप लावडको सडकमा होम पाइप राख्नका लागि बनाइएको खाल्डोमा डुबेर ज्यान गएको थियो।

देहीमाण्डौं–गिरेगडा सडकखण्ड अन्तर्गत दशरथचन्द नगरपालिका २ सुन्दरखालीमा होम पाइप राख्नका लागि बनाइएको खाल्डोमा डुबेर दुई बालकको मृत्यु भएपछि परिवार शव बुझेका थिएनन्।