काठमाडौं : रुग्ण उद्योगको पहिचान, वर्गीकरण, पुनरोत्थान, पुनर्निर्माण तथा व्यवस्थापनका लागि नेपाल सरकारलाई सुझाव दिन एक समिति गठन गरिएको छ। सोमबार प्रधानमन्त्री निवास बालुवाटारमा बसेको मन्त्रिषरिषद् बैठकले दिपक सुवेदीको संयोजकत्वमा अध्ययन समिति गठन गर्ने निर्णय गरेको हो।

समितिमा ६ जना सदस्य रहने सरकारका प्रवक्ता समेत रहेका अर्थमन्त्री डा युवराज खतिवडाले जानकारी दिएका छन्। सोमबारकै मन्त्रिपरिषद् बैठकले लगानी बोर्डको सिइओमा सुशील भट्ट र स्वास्थ्य बिमा बोर्डको अध्यक्षमा डा सेनेन्द्रप्रसाद उप्रेतीलाई नियुक्त गर्ने निर्णयसमेत गरेको थियो।