धनगढी/ सेती प्रादेशिक अस्पतालको प्रयोगशालामा गरिएको परीक्षणमा शनिबार सुदूरपश्चिम प्रदेशमा ८ जनामा कोरोना संक्रमण पुष्टि भएको छ ।
शनिबार दिउासो २ बजे सम्म गरिएको परीक्षणबाट कोरोना संक्रमण पुष्टि हुनेमा धनगढी उपमहानगरपालिकाका ७ र कञ्चनपुरको पुर्नवास नगरपालिकाका १ जना रहेका छन् ।
संक्रमित हुनेमा धनगढी उपमहानगरपालिकाको वडा नम्बर १४ का २४ र १९ बर्षिया २ महिला, वडा नम्बर १५ का २४ र २८ बर्षिया २ महिला रहेका छन् । यस्तै वडा नम्बर १८ का ४८ र ४५ बर्षिय २ पुरुष र वडा नम्ब्र १ का २२ बर्षि पुरुषमा पनि कोरोना संक्रमण पुष्टि भएको हो ।
यस्तै कञ्चनपुरको पुनर्बास नगरपालिकाको वडा नम्बर ५ का ३१ बर्षि महिलामा पनि कोरोना संक्रमण पुष्टि भएको सेती प्रादेशिक अस्पतालले जारी गरेको बिज्ञप्तिमा उल्लेख छ ।
सेती प्रादेशिक अस्पतालको प्रोगहालामा गत २४ घण्टामा २ सय ३७ नमुनाहरु परीक्षण गरिएको र ती मध्ये ८ जनामा कोरोना संक्रमण देखिएको अस्पतालले जनाएको छ ।
