सुदूरपश्चिममा थप एक वडाध्यक्षमा कोरोना भाइरस पुष्टि भएको छ । अछामको साँफेबगर नगरपालिकाका एक वडा अध्यक्षलाई कोरोना पुष्टि भएको हो । धनगढी प्रयोगशालामा गरिएको स्वाब परीक्षणमा कोरोना पुष्टि भएको ती वडाअध्यक्षले बताए ।

उनी निरन्तर रुपमा डेढ महिनादेखि भारतबाट आएका स्थानीयको सेवा खटिएका थिए । अहिले उनी वडाको क्वारेन्टिनमा बसिरहेका छन् । तर केही दिन अघि ती वडाअध्यक्ष नगरपालिकाको नगर सभामा सहभागी भएका थिए । मंगलबार उनीमा कोरोना पुष्टि भएपछि नगर सभामा सहभागी अन्य व्यक्तीको पनि स्वाब संकलन गर्ने तयारी भईरहेको छ ।

यसअघि कैलालीको गोदावरी नगरपालिकाका एक वडाध्यक्षमा पनि कोरोना भेटिएको थियो । हाल उनी निको भईसकेका छन् । त्यसैगरी डडेल्धुराको पर्शुराम नगरपालिका वडाध्यक्षलाई पनि कोरोना पुष्टि भएको थियो । उनी पनि निको भएर घर फर्किसकेका छन् ।