धनगढी, ३ असार- नेपाली सेनाका प्रधानसेनापति पूर्णचन्द्र थापा र सशस्त्र प्रहरी महानिरीक्षक आइजीपी शैलेन्द्र खनाल दार्चुलाको कालापानी क्षेत्रको निरीक्षणका लागि दार्चुला पुगेका छन् ।

उनीसँगै नेपाल प्रहरीका सुदूरपश्चिम प्रदेश प्रहरी प्रमुख डीआइजी उत्तम सुवेदी समेत दार्चुला पुगेका छन् । केही दिन अघि सशस्त्र प्रहरीले स्थापनाको गरेको कालापानीको छाङ्गुर बोर्डर आउट पोस्ट बीओपीको निरीक्षण र दार्चुला तिङ्कर सडक खण्डको अनुगमन गरेर धनगढी फर्किने कार्यतालिका रहेको छ ।

भ्रमणपछि सुदूरपश्चिम प्रमुखसँग छलफल गर्ने र धनगढीमै बस्ने र विहीवार मात्रै काठमाडौं फर्किने जनाईएको छ ।