बैतडी, ९ चैत  / बैतडीको सुर्नया गाउँपालिका जेनजी समुहले ५ महिना अगाडी भएका निर्णय कार्यान्वय नभए आन्दोलन गर्ने जनाएको छ । आईतबार गाउँपालिकालाई पत्र लख्दै कार्यापालिकाले गरेको निर्णय कार्यान्वय गर्ने माग गरेको छ ।

माग सम्बोधन नगरे गाउँपालिका बिरुद्ध ११ गतेदेखी चरण बन्द आन्दोलन गर्ने जेन्जी समुहका अगुवा बिशाल भट्टले बताए  ।समूहले ३९ दिनसम्म गरेको तालाबन्दीपछि भएको सहमतिअनुसार गाउँ कार्यपालिकाले ११ बुँदे निर्णय गरेको भए पनि ती निर्णय हालसम्म कार्यान्वयन नभएको जनाएको छ।

उल्टै कार्यपालिकाले पहिलेका निर्णयहरू नै उल्ट्याउने काम गरेको आरोप समेत लगाइएको छ । समूहका अनुसार कार्यक्रम फेजआउट भएका कर्मचारीलाई पुस मसान्तसम्म हटाउने निर्णय भए पनि पछिल्लो बैठकबाट पुनः नियुक्ति थप्ने निर्णय गरिएको छ। जसले सहमति विपरीत काम भएको गाउँपालिकालाई ध्यानाकर्षण गराउँदै समूहले उक्त निर्णयहरू तत्काल कार्यान्वयन गर्न माग गरेको छ।

माग पूरा नभए ११ गतेदेखि चरणबद्ध आन्दोलन सुरु गरिने चेतावनी दिँदै त्यसपछि उत्पन्न हुने परिस्थितिको सम्पूर्ण जिम्मेवारी स्थानीय तहले लिनुपर्ने उल्लेख गरिएको छ। साथै, समूहले यो आन्दोलन दबाबमूलक भए पनि सुशासन, पारदर्शिता र जवाफदेहिताको पक्षमा रहेको स्पष्ट पार्दै आम गाउँपालिकावासीलाई साथ र सहयोग गर्न अपिल गरेको छ।

उनीहरुले कार्यापालिकाबाट नेपाल सरकारले तलब नदिएका करारका कर्मचारी पुषबाट हटाउने, युवाका क्षेत्रमा बजेट बिनियोजन गर्ने, खेलमैदान निमार्ण गर्ने लगायतका निर्णय गरेको थियो । तरकार्यान्वय हुन सकेको छैन्।

९ गते कार्यापालिका बस्ने भएपछि युवा समुहले पुनः ध्यानाकर्षण गरेको युवा हरिष कुवँरले बताए । प्रमुख प्रशासकिय अधिकृत लोकराज जोशीले प्रशासन शाखालाई कार्यापालिकामा पत्र पेश गर्ने जानकारी दिएका छन्।