अछाम /राष्ट्रिय स्वतन्त्र पार्टी ९रास्वपा० अछाम क्षेत्र नम्बर २ का उम्मेदवार भुपदेव शाहले वैदेशिक रोजगारीमा रहेका अछामीलाई फर्किन अपिल गरेका छन । उनले सामाजिक सञ्जालमार्फत आगामी २१ फागुनमा हुने निर्वाचनमा सहभागिता जनाउन स्वदेश फर्किन अपिल गरेका हुन ।

उनले अछामीहरू रहरले होइन, बाध्यताले परदेशिनु परेको भन्दै पुराना दलहरू र भ्रष्ट व्यवस्थाले जनतालाई रोजगारी, भविष्य र भरोसा दिन नसकेको बताएका छन् ।

‘टाढैबाट सामाजिक सञ्जालमा आवाज उठाउनु पर्याप्त छैन, परिवर्तनका लागि भोट र भौतिक उपस्थिति अनिवार्य छ,’ शाहले भनेका छन् । उनले परदेशमा रहेका मतदातालाई एक दिनका लागि भए पनि अछाम फर्किएर मतदान गर्न आग्रह गरेका छन् ।