धनगढी, ९ मंसिर / कैलाली बहुमुखी क्याम्पसका विद्यार्थी धरणीधर भट्ट टीयु टपर बनेका छन्। भट्टले स्नातक तहको वाणिज्य व्यवस्थापन संकायमा त्रिभुवन विश्वविद्यालय टप गरेका हुन्।

भट्टले पहिलो सेमेस्टरमा ३.८८ जिपिए ल्याएका थिए भने दोस्रो सेमेस्टरमा ३.९६, तेस्रो सेमेस्टरमा ३.९८, चौथो सेमेस्टरमा ३.९९, पाँचौ सेमेस्टरमा ३.९४, छैटौँ सेमेस्टरमा ३.९६, सातौँ सेमेस्टरमा ३.८९ तथा आठौँ सेमेस्टरमा ३.९८ जिपिए ल्याउदै ओैसत ३.९५ जिपिए ल्याई त्रिभुवन विश्वविद्यालय व्यवस्थापन संकायमा प्रथम स्थानमा प्रथम भएको कैलाली बहुमुखी क्याम्पसले जनाएको छ।

डोटीको शिखर नगरपालिका वडा नम्बर १ कपल्लेकी घर भएका भट्ट विद्यालय तहमा पनि कक्षामा प्रथम हुने विद्यार्थी हुन्। उनले नियमित पढ्ने र पढेको कुरा अभ्यास गर्ने गरेकाले परिक्षामा राम्रो नतिजा आउने गरेको बताएका छन्। भट्टले आफ्नो सफलताको श्रेय आमाबुवा, क्याम्पसका अध्यापक र कैलाली बहुमुखी क्याम्पसलाई दिएका छन्।