धनगढी, २५ जेठ /  होटल व्यवसायी संघ कैलालीको साधारण सभा तथा अधिवेशनबाट नयाँ कार्यसमिति सर्वसम्मत रूपमा चयन गरिएको छ। नवगठित कार्यसमितिको अध्यक्षमा होटल क्रिस्टलका सञ्चालक केशवदत्त पाण्डेय फेरि चयन भएका छन्।

संघको वरिष्ठ उपाध्यक्षमा अवेश कुमार चन्द, उपाध्यक्षमा भीमबहादुर शाही, महासचिवमा प्रजापति जोशी (प्रकाश), सचिवमा राकेश भट्ट, कोषाध्यक्षमा भगतबहादुर थापा तथा सह–कोषाध्यक्षमा बसन्ता भण्डारी बम चयन भएका छन्।

त्यसैगरी सदस्यहरूमा केशबहादुर बोहरा, केशवबहादुर चन्द, सोमराज सापकोटा, राधिका लम्साल, सुरेन्द्रबहादुर थापा, कुलदीप ध्वज थापा, इन्द्रसिंह चौधरी, धर्मेन्द्रबहादुर चन्द, वसन्ती चौधरी र प्रज्ज्वल भट्ट सर्वसम्मत चयन भएका छन्। मनोनित सदस्यमा तेजबहादुर कलेल र भुपाल खतिवडा रहेका छन्।

संघले कानुनी सल्लाहाकारमा अधिवक्ता विरबहादुर जेठारालाई जिम्मेवारी दिएको छ। साथै कलमबहादुर बम, महेशकुमार शाह, दिनेशराज भण्डारी, दीपककुमार थापा क्षेत्री, प्रकाशचन्द्र भट्ट, पुष्पराज कुँवर, शारदा शाह र उमेशविक्रम शाहलाई सल्लाहाकारको रूपमा चयन गरिएको छ।

होटल व्यवसायी संघ कैलालीले आज गार्डेन होमस्टेको सभाहलमा औपचारिक एक कार्यक्रमका बीच कार्यसमितिको पदस्थापना तथा प्रमाणपत्र वितरण गरेको छ ।

नवनिर्वाचित कार्यसमितिले होटल तथा पर्यटन व्यवसायको प्रवर्द्धन, व्यवसायीहरूको हकहित संरक्षण, सेवा गुणस्तर अभिवृद्धि तथा कैलालीको पर्यटन क्षेत्रको विकासमा सक्रिय भूमिका निर्वाह गर्ने प्रतिबद्धता जनाएको छ।  नयाँ नेतृत्वको चयनसँगै होटल व्यवसायलाई थप व्यवस्थित, व्यवसायीमैत्री र प्रतिस्पर्धी बनाउने अध्यक्ष पाण्डेले बताएका छन्।