बाजुरा । बाजुराका विभिन्न ठाउँका सडक स्तरोन्नति नभएको भन्दै यहाँका मतदाताहरूले उम्मेदवारलाई गुनासाे गर्ने गरेका छन् ।

आगामी फागुन २१ गते हुने प्रतिनिधि सभा सदस्य पदको निर्वाचनमा विभिन्न दल तथा स्वतन्त्र उम्मेदवारलाई यहाँका मतदाताहरुले सडक निर्माणको काम अलपत्र पर्ने गरेको भन्दै उम्मेदवारहरूलाई गुनासा गरेका हुन् ।

जिल्लाको मुख्य सडक सााफे–मार्तडी सडक अन्तर्गत बल्दे र मार्तडी–कोल्टी सडक निर्माणको काम सुरु भएको धेरै वर्ष भएपनि निर्माणको भने काम नसकिएको भन्दै यती बेला यहाँका मतदाताहरूले उम्मेदवारलाई गुनासा पोख्ने गरेको स्तानीयवासी बताउँछन् ।

विगतका उम्मेदवारहरूले यहाँ स्वास्थ्य, शिक्षा, पुल, सडक र खानेपानी लगायतका भौतिक पूर्वाधार निर्माणका योजना गाउँ बस्तीमा ल्याउने र चाँडै यहाँको विकास गर्ने भनी मत माग्ने गरेको भए पनि यहाँका मूल्य साँफे–मार्तडी र मार्तडी–कोल्टी सडक पनि लामो समय देखि अलपत्र परेको हुँदा पनि कसैले चाँसो नखाएको बुढीनन्दाका स्थानीय रामबहादुर कार्कीले बताउनुभयो ।

उहाँले भन्नुभयो, “मार्तडी कोल्टी सडक कालोपत्रेको काम गर्न लागेको धेरै वर्ष भयो । तर अहिलेसम्म त्यो काम भने सम्पन्न भएको छैन । सडक कालोपत्रे नहुँदा वर्षाको समय जिल्लीको पहिरो र हिउँदको महिना पोरखेलेकको हिउँका कारण सडक सधै अवरुद्ध हुन्छ ।”

सडक अवरुद्ध हुँदा यहाँका स्थानीयले उत्पादन गरेका स्याउँले समेत समयमै बजार नपाउँदा उनीहरु सधैं मर्कामा पर्ने गरेका छन् । योजना आउने तर ती योजनाको काम समयमै सम्पन्न नहुने हुँदा स्थानीय सधै सास्ती खेप्नु परेको कार्कीले बताउनुभयो ।

त्यसैगरी बुढीगङ्गा नगरपालिकाको बल्दे आटीचौर सडक पनि कालोपत्रत्रे हुन थालेको झण्डै सात वर्ष भयो । तर त्यो सडक निर्माणको काम अँझै सम्पन्न भएको छैन् । सडक सम्पन्न नहुँदा यहाँका स्थानीयले वर्षाको समय आउजाउमा सास्ती खेप्ने गरेको स्थानीय बहादुर थापाले बताउनुभयो ।

उहाँले भन्नुभयो,“ हिउँदको महिना सडक निर्माणका लागि बालुवा गिट्टी सबै जम्मा हुन्छ । तर वर्खाको समय ती जम्मा भएको बालुवा गिट्टी पनि फेरि पानीले बगाएर खोलामा पुर्‍याउँछ।”

सडक अलपत्र परेको भन्दै हामीले धेरै नेता तथा कार्यकर्ता र ठेकेदारलाई भन्ने गरेका छौं । तर पनि कही कतै देखि सडक निर्माणको काम सम्पन्न भने अझै भएको छैन् । योजना सुरु हुन्छ । तर काम भने निकै ढिलाई हुने गरेपछि स्थानीयले सास्ती खेप्ने गरेको थापाले बताउनुभयो ।

बाजुराको साँफे–मार्तडी , मार्तडी–कोल्टी , मार्तडी –भौनेरा , बल्दे–आटीचौर र डाब–खप्तड पर्यटकीय लगायतका मुख्य सडक अलपत्र परेका छन् । सडक चाँडो निर्माण गर्नका लागि स्थानीयले सम्बन्धी निकायलाई पटक पटक भन्ने गरेका छन् ।

यतिबेला भने जनताले गुनासा गर्ने अवसर पाएका छन् । अहिले गाउँ बस्तीमा पुगेका उम्मेदवारलाई उनीहरूले यसरी अलपत्र परेका योजनाको बारेमा गुनासा गर्ने गरेका हुन् । उनीहरूले आएका योजना त पास भएको छैन् । भने नयाँको के आस भन्दै उम्मेदवारलाई प्रश्न गर्ने गरेका छन् ।

यता यसको जिम्मेवार संस्था भनेको भौतिक पुर्वाधार विकास अछामले पनि यतिबेला सडक निर्माणको काममा जिम्मा लिने ठेकेदारलाई सडक जिम्मा लिएको समयमै काम सम्पन्न गर्ने गरी पत्रचार गरेको बताउँछन् ।

साँफे–मार्तडी सडक अन्तगर्त पर्ने बल्देमा सडक डिभिजन कार्यालय अछामले काम गराइरहेको छ । भने मार्तडी–कोल्टी र बल्दे–आटिचौर सडकमा भौतिक पूर्वाधार विकास कार्यालय अछामले काम गराइरहेको छ ।

सडक निर्माणको म्याद भने एक एक वर्ष पहिला सकिएको छ । ठकेदारहरूले आफुले जिम्मा लिएको काम भने अझै सम्पन्न गरेका छैन । अहिले फेरि उनीहरूलाई एक वर्षको म्याद थपिदिएको छ । उनीहरू पनि सोही म्याद अनुसार काम सम्पन्न गर्ने गरी यतिबेला काम गरिरहेको भौतिक पुर्वाधार विकास कार्यालय अछामका प्रमुख जङ्गबहादुर थापाले बताउनुभयो ।