धनगढी, २७ पुस / नेपाल पुस्तक तथा स्टेशनरी व्यवसायी महासंघ सुदूरपश्चिम प्रदेशको अध्यक्ष्यमा वाशुदेव गौतम निर्वाचित भएका छन । सनिबार सम्पन्न सातौं साधारण सभा तथा चौथो प्रदेश अधिवेशनबाट गौतम निर्विरोध निर्वाचित भएका हुन ।

डोटीको पिपल्ला बजारमा लामो समयदेखि पुस्तक तथा स्टेशनरी व्यवसायमा सकृय गौतमले पछिल्लो समय धनगढीमा पनि व्यवसाय विस्तार गरेका छन । त्यस्तै प्रथम उपाध्यक्ष निलम राज जोशी ,द्वितीय उपाध्यक्ष गौरव बोहरा,सचिवमा डिल्लीराज ओझा समर्पण कोषाध्यक्ष जनक राज भट्टराई,सह कोषाध्यक्ष खेमराज भट्ट,सह सचिब हरी भट्ट निर्वाचित भएका हुन । त्यस्तै सदस्यहरुमा नवराज भट्ट,विजेन्द्र चौधरी,केशव रावल,गजराज बोहरा र कृष्ण लामिछाने निर्वाचित भएका छन ।

नेपाल पुस्तक तथा स्टेशनरी व्यवसायी महासंघ सुदूरपश्चिम प्रदेशका अध्यक्ष श्याम पाठकको अध्यक्षतामा सम्पन्न साधारणसभामा प्रदेश सभा सदस्य धर्मराज पाठक प्रमुख अतिथि रहेका थिए ।

कार्यक्रममा नेपाल पुस्तक तथा स्टेशनरी व्यवसायी महासंघ सुदूरपश्चिम प्रदेश कमिटि सल्लाहकार समिति संयोजक अग्रज व्यवसायी वेद प्रकाश चुवाई , नेपाल पुस्तक तथा स्टेशनरी व्यवसायी महासंघका सचिव शम्भु लामिछाने,केन्द्रिय सदस्यहरु योगेन्द्र शाही,शंकर कठायत र शंकर दत्त भट्ट,नेपाल पुस्तक तथा स्टेशनरी व्यवसायी महासंघ सुदूरपश्चिमका निवर्तमान अध्यक्ष मेखराज दाहाल,मुद्रण व्यवसायी महासंघ सुदूरपश्चिमका अध्यक्ष महेन्द्र शाहीु,कैलाली र कंचनपुर जिल्लाका अध्यक्ष र पदाधिकारीहरु तथा ७ पहाडी जिल्लाका अध्यक्ष र पदाधिकारीको उपस्थिति रहेको थियो ।

उक्त साधारणसभामा कार्यक्रममा ९ ओटै जिल्लाका एक एक जना पुराना व्यवसायीलाई दोसल्ला सहित सम्मान पनि गरिएको थियो ।