धनगढी, १२ भदौ / धनगढी उपमहानगरपालिका–५, तारनगरस्थित एक्सीस प्लस टु कलेज अगाडि नयाँ उद्यम कल्पु कस्मेटिक एण्ड फेन्सी कलेक्सन सञ्चालनमा सञ्चालनमा आएको छ।

उद्यमी अनिल सिंह धामीले सुरु गरेको यो पसलमा महिलाहरूका लागि लेडिज कपडा, आकर्षक फेन्सी सामग्री (झुम्का, चुरा, ब्याग, हेयर एक्सेसरीज) र विभिन्न प्रकारका कस्मेटिक वस्तुहरू उपलब्ध छन्।

धामीका अनुसार ग्राहकलाई सस्तो मूल्यमा गुणस्तरीय वस्तु उपलब्ध गराउनु र सन्तुष्टिलाई पहिलो प्राथमिकता दिनु नै यस उद्यमको उद्देश्य हो। उनका भनाइमा बजारमै चर्चित नयाँ डिजाइन र फेसनका ट्रेन्डिङ सामग्री निरन्तर उपलब्ध गराइनेछ भने विशेष अफर, छुट र चाडपर्वका अवसरमा विभिन्न योजना ल्याइने तयारी छ।

यो उद्यमले स्थानीय व्यापारलाई प्रवर्द्धन गर्नुका साथै रोजगारी सिर्जनामा पनि योगदान गर्ने अपेक्षा गरिएको छ। तारनगर र आसपासका बासिन्दाले अब रोजाइका कपडा, फेन्सी सामग्री र कस्मेटिक वस्तुहरू एउटै स्थानमा सहज पाउने भएका छन्।