धनगढी, १२ माघ /   धनगढीको आरम्भ इन्स्टिच्युट अफ ल को आयोजनामा आरम्भ लभ फेस्ट सिजन २ सम्पन्न भएको छ। माघ ९ गतेदेखि सुरु भएको फेस्ट आज एक कार्यक्रमका बीच समापन गरिएको हो।

आरम्भ ल फेस्ट सिजन २ को विनर धनगढीमा रहेको त्रिनगर माध्यमिक विद्यालय भएको छ। विद्यालयले फेस्टका सबै विधामा उत्कृष्ट हुँदै सिजन २ को विजेता बनेको हो। यस्तै फस्ट रनरअप धनगढीकै एक्सिस विद्याश्रम भएको छ, भने सेकेन्ड रनर अप जनज्योति माध्यमिक विद्यालय र थर्ड रनर अप घोडाघोडी माध्यमिक विद्यालय भएको आयोजकले जनाएको छ ।

७ वटा माध्यमिक विद्यालयहरूको सहभागिता रहेको उक्त फेस्टका सबै विधामा सहभागी हुने, उत्कृष्ट हुने र विजेता, उपविजेता हुने विद्यालय , विद्यार्थीहरूलाई कार्यक्रम समापनमा प्रमाणपत्र ,मेडल, ट्रफी प्रदान गरिएको छ।

आरम्भ इन्स्टिच्युट अफ ल को आयोजनामा गत वर्षदेखि सुरु भएको आरम्भ ल फेष्टको यो दोस्रो सिजन हो। यसमा कानुनी हाजिर जवाफ , वादविवाद प्रतियोगिता, सिर्जनशील लेखन प्रतियोगिता, कानुनी मस्यौदा लेखन प्रतियोगिता, नमुना संसद अभ्यास प्रतियोगिता,आरम्भ लिगल इन्टरक्सन जस्ता कार्यहरुका साथ फेष्ट सञ्चालन गरिएको कार्यक्रम संयोजक तथा आरम्भ ल इन्स्टिच्युटका सञ्चालक ओम प्रकाश बस्तीले जानकारी दिए।

आरम्भ ल इन्स्टिच्युटका सञ्चालक तथा कार्यक्रम संयोजक ओमप्रकाश बस्तीको अध्यक्षतामा सम्पन्न भएको उक्त समापन समारोहमा प्रमुख अतिथि मानव अधिकार आयोगका प्रमुख तथा नेपाल सरकारका सहसचिव प्रकाश दत्त भट्ट विशिष्ट अतिथि कैलाली जिल्ला बार एसोसिएसनका उपाध्यक्ष देवराज भट्ट, कैलाली बहुमुखी क्याम्पसका कानुन संकाय संयोजक पदम पाल, कैलाली बहुमुख क्याम्पसका स्वतन्त्र विद्यार्थी युनियनका प्रतिनिधि , नेविसङ्घका कैलाली कञ्चनपुरका प्रतिनिधि, सहभागी विद्यालयहरूका शिक्षक प्रतिनिधि लगायत विद्यार्थीहरूको उल्लेख्य उपस्थिति रहेको थियो।

सहभागीहरूले आरम्भ ल फेस्ट सिजन २ बाट आफूहरूलाई कानुन विषय लिएर पढ्न ठूलो सहयोग पुग्ने र व्यवहारिक तथा जीवनोपयोगी कानुनी शिक्षा समेत आफूहरूले सिक्न पाएकाले यो फेस्ट आफूहरूको लागि एकदमै लाभदायी भएको बताए।