धनगढी,६ असार । बाजुरामा पेस्तोल सहित एक युवक पक्राउ परेका छन् । मङ्गलवार बाजुराको त्रिवेणी नगरपालिका वडा नम्बर ८ कालापानी बस्ने १८ वर्षीय कुबेर गिरि पक्राउ परेका हुन् । गाउँ समाजमा झैँ झगडा गर्ने र साथमा हतियार (पेस्तोल) समेत बोकी गाउँ समाजमा अशान्ति फैलाउने गरेको सूचनाको आधारमा जिल्ला प्रहरी कार्यालय बाजुराले उनलाई पक्राउ गरेको हो ।

गिरिले घरमा लुकाई छिपाई राखेको अवस्थामा एक थान पेस्तोल सहित उनलाई पक्राउ गरिएको हो । जिल्ला प्रहरी कार्यालय बाजुराका अनुसार उनलाई जिल्ला अदालत बाजुराबाट हातहतियार तथा खरखजाना सम्बन्धी मुद्रामा म्याद थप गरी थप अनुसन्धान भई रहेको छ ।