काठमाडौं २ वैशाख/ माओवादी केन्द्रका नेता वर्षमान पुनकी आमा बसेको घरमा गोली चलेको छ । भीआईपी सुरक्षामा खटिएका एक सदस्यले शुक्रबार राति साढे ९ बजे गोली चलाएको प्रहरी स्रोतले जनाएको छ ।

उपत्यका प्रहरी कार्यालयका एक उच्च अधिकृतका अनुसार गोली लागेर नेता पुनकी आमा ७० वर्षीय तीर्थमाली पुन घाइते भएकी छन् । उनको खुट्टामा गोली लागेको छ । ट्रमा सेन्टरमा उनको उपचार भइरहेको प्रहरी प्रधान कार्यालय स्रोतले जनाएको छ।बालुवाटारस्थित निवासमा आफ्नै नातिसमेत रहेका प्रहरी सहायक हवलदार प्रकाश पुनमगरले बोकेको पेस्तोल दुर्घटनावश पड्किएको थियो।

वर्षमानकी आमा तिर्थमालीमाथि शुक्रबार राति प्रहरी सहायक हवलदार प्रकाश पुनमगरले बोकेको पेस्तोल पड्किएको थियो। पेस्तोल चलाउने नियतले नभई दुर्घटनावश पड्किएको खुलेको प्रहरी स्रोतले बताएको छ। स्रोतका अनुसार पेस्तोल पड्किएपछि प्रकाश राति नै भागेका थिए। बिहान उनी आफैँले प्रहरीकोमा आत्मसमर्पण गरेका छन्। प्रकाश कामु हरिकृष्ण कार्कीको सुरक्षा टिममा खटिएका सहायक हवलदार हुन्।