काठमाडौं/देशका केही स्थानमा अहिले वर्षा भइरहेको छ । हल्का वर्षा भइरहेको मौसम पूर्वानुमान महाशाखाले जनाएको छ । महाशाखाका मौसमविद् शान्ति कँडेलका अनुसार अहिले कैलाली , बर्दिया, गोरखा, नुवाकोट, मकवानपुरलगायत स्थानमा वर्षा भइरहेको छ । उनका अनुसार आज दिनभरि नै मौसममा बदली हुनेछ ।

“दिनभरजस्तो बादल लाग्नेछ । सामान्य घाम लागे पनि केही बेरमै बादलले छोप्ने देखिन्छ,” उनले  भनिन्, “दिनभर बदली हुनेछ ।” उनका अनुसार आज काठमाडौंमा दिउँसो १र २ बजेपछि वर्षाको सम्भावना छ । तर, लामो समय पानी नपर्ने उनले बताइन् । “काठमाडौंमा दिउँसो १र२ बजेपछि क्षणिक वर्षाको सम्भावना छ । हल्का वर्षा हो,” उनले भनिन्, “लामो समय हुँदैन । केही बेर पर्छ ।”अबका एकरदुई दिन देशभर मौसममा बदली हुने उनले जानकारी दिए । देशका केही स्थानमा दिउँसोको समयमा पानी पर्ने सम्भावना बढी हुने उनले बताइन् ।

आज तराईका केही जिल्लामा हावाहुरीको पनि सम्भावना रहेको उनले जानकारी दिइन् । “तराईमा हावाहुरीको सम्भावना छ । काठमाडौंमा पनि हावाहुरी चल्छ, तर ठूलै असर गर्ने गरी होइन । सामान्य अवस्थामा भन्दा अलि बढी हावाहुरी चल्ने देखिन्छ,” उनले भनिन् । महाशाखाका अनुसार हाल देशमा स्थानीय वायुसँगै पश्चिमी वायुको सामान्य प्रभाव छ ।