धनगढी २९ फागुन/बैंक तथा बित्तिय संस्थाको चर्को ब्याजदर बिरुद्ध काठमाडौँमा ब्यवसायीले आन्दोलन गरेका छन्।बैंक तथा बित्तिय संस्थाको चर्को ब्याजदर बिरुद्ध सुदुरपश्चिमका उद्योग ब्यवसायीले काठमाण्डौँमा आन्दोलन गरेका हुन्। देशभरका उद्योग तथा ब्यवसायीको सहभागीतामा सुदुरपश्चिम प्रदेशका उद्योग ब्यवसायीहरुपनी राजधानि केन्द्रित आन्दोलनमा सहभागि भएका भएका छन्।

आइतवार उनीहरुले बैंकहरुको चर्को ब्याजदरको विरोध गर्दै ब्याजदर आतंक र राष्ट्र बैंकको अव्यवहारिक नीतिका कारण व्यापार–व्यवसाय गर्न समस्या भएको भन्दै व्यवसायीहरुले माइतीघरमा प्रदर्शन गरेका हुन्। कैलाली उद्योग बाणिज्य संघका अध्यक्ष पुस्पराज कुँवरले बैंकको चर्को व्याजदरले ब्यवसायी निकै मारमा परेको बताए।

उनले बैंकको चर्को व्याजदर बिरुद्ध सरकारको ध्यानाकर्षण नभएको आरोप समेत लगाएका छन्। कैलालीमा बिगत केही दिन आन्दोलन गरेका भएपनि सरकारले बेवास्ता गरेका कारण हिजोआज काठमाण्डौँमा आन्दोलन गर्नुपरेको बताए। उक्त आन्दोलनमा सुदुरपश्चिमका उद्योग बाणिज्य सँघका अध्यक्षको पनी सहभागीता रहेको छ।

कैलाली उद्योग बाणिज्य संघका अध्यक्ष पुस्पराज कुँवरले बैंकको चर्को व्याजदरका विरुद्ध पटक–पटक आन्दोलन लगायत सरकारलाई ज्ञापनपत्र बुझाउदा समेत आफूहरुको माग सम्बोधन नभएपछि आन्दोलन गर्न बाध्य भएको बताए।
सरकारले व्यवसायीहरुका माग सम्बोधन नगरे झनै विकराल अवस्था आउने र राष्ट्र बैंक र संसद भवन घेराउ गरिने चेतावनीसमेत दिएका छन्। आन्दोलनमा उनीहरुले मौद्रिक नीति परिमार्जन गर, ब्याजदरमा स्थिरता कायम गर, चालु पुँजी निर्देशिका स्थगित गर, ब्याजदर हामीलाई चर्को भयो, उच्च सेवा शुल्क बन्द गर लगायतका प्ले कार्ड बोकेका छन्।