धनगढी, १७ फागुन/सुदूरपश्चिम यातायातका ब्यबसायी संघका पुर्ब अध्यक्ष तथा संस्थापक सदस्य हरि प्रसाद पाण्डेयको उपचारका क्रममा काठमाडौंमा निधन भएको छ । आन्द्रामा समस्या देखिएपछि नर्भिक अस्पतालमा उपचाररत ७१ बर्षिय पाण्डेयको आज बिहान निधन भएको हो ।

पान्डेयको निधनले यातायातको क्षेत्रमा अपुरणिय क्षती भएको नेपाल यातायात ब्यबसायी राष्ट्रिय महासंघका अध्यक्ष बिजय स्वारले बताए । उनले सरल स्वभावका पाण्डेयले यातायातको क्षेत्रमा पुर्‍याउनु भएको योगदान कहिले बिर्सन नसकिने बताए ।

सुदुरपश्चिम यातायात ब्यबसायी संघ पुर्व अध्यक्ष तथा नेपाल यातायात ब्यबसायी राष्ट्रिय महासंघका सुदुरपश्चिम संयोजक टेकराज जोशीले सुदुरपश्चिम क्षेत्रमा सार्बजनिक यातायातको जग बसाल्ने काममा पाण्डेयको योगदान रहेको बताए । उनले विषम परिस्थितिमा समेत सम्पुर्ण यातायात ब्यबसायीहरुलाई एकजुट बनाई सार्बजनिक यातायातको क्षेत्रमा उल्लेखनीय योगदान रहेको भन्दै पाण्डेयको निधनले स्तब्ध बनाउएको बताए ।

सुन्दर सुदूरपश्चिम यातायात प्रालिका अध्यक्ष पदमराज सापकोटाले पाण्डेको निधनले प्रालिले अभिभावक गुमाउनु परेको पीडा सदैव रहने बताए ।हाल प्रालिको संरक्षक समेत रहेका पाण्डेयले यातायातको क्षेत्रमा देखाउनु भएको मार्गदर्शन प्रालिले हमेसा पालना गर्ने अध्यक्ष सापकोटाले बताए । अध्यक्ष सापकोटाले पाण्डेयको दाहसंस्कार आजै काठमाडौ स्थित पशुपतिमा गरिने समेत जानकारी दिए ।अध्यक्ष सापकोटाले पाण्डेयको निधनमा आज एकदिन कार्यालय बन्द रहने समेत जानकारी दिए ।

स्वर्गीय पाण्डेयको काठमाण्डौमै दाहसंस्कार गरिने बताईएको छ । हाल उनका छोरा सुरेन्द्र (सुशिल) पाण्डेय पनि यातायात व्यबसायमै संलग्न रहेका छन् । सुरेन्द्र (सुशिल) पाण्डेय अहिले रिभर साईड यातायात प्रा.लिका महासचिव हुन् ।