महेन्द्रनगर,११ कार्तिक । नेकपा (एमाले) का सुदूरपश्चिम प्रदेश कमिटी सदस्य शालिग्राम शर्माको निधन भएको छ। २०५४ सालमा कञ्चनपुरको तत्कालिन परासन गाउँविकास समितिका अध्यक्ष समेत रहेका शर्मा केही वर्षदेखि बिभिन्न रोगले थलिएका थिए।

एमाले जिल्ला सचिव पल्लवराज भट्टका अनुसार शिक्षण पेशामा संलग्न शर्मा राजीनामा दिएर तत्कालिन परासन गाबिसको अध्यक्षमा चुनाव लडेका थिए। एमाले कञ्चनपुरका संस्थापक सदस्यसमेत रहेका शर्माको निधनले पार्टीलाई अपूरणीय क्षति पुगेको सचिव भट्टले बताए।