श्रवण देउवा/धनगढी, १ कार्तिक। कैलाली क्षेत्र नम्बर ४ मा उम्मेदबारको प्रमुख एजेण्डा प्रदेश राजधानी गोदाबी बनाउने बनेको छ । कैलाली क्षेत्र नम्बर ४मा काँग्रेस नेतृत्वको संयुक्त गठबन्धनबाट काँग्रेसका बिरबहादुर बलयार छन् भने नेकपा एमालेबाट लेखराज भट्ट उम्मेदबार बनेका छन् ।

दुबैले प्रमुख एजेण्डा अघिल्लो सरकारले तोकेको राजधानी स्थापना गर्ने नै रहेको छ । सुदूरपश्चिम प्रदेश सरकारले गोदावरीलाई राजधानी तोकेको थियो । अहिले सबै उम्मेदबारले सुदुरपश्चिम प्रदेशको राजधानी बनाउने कुरा अहिले चुनावी फण्डा बनाएको छ ।

प्रदेश सरकार गठन भएको ५ बर्ष पुग्दा पनि नबनेको राजधानी निर्वाचन नजिकिदै गर्दा राजधानीको विषय चुनावी फण्डा बनेको छ । नेकपाको दुइ तिहाईको सरकार हुदा राधानीको स्थान तोकिदा पनि राजधानी स्थापना भएको थिएन । त्यती बेला सुदूरपश्चिम प्रदेश सरकार लेखराज भट्टको ईसारामा नै चल्ने गथ्र्यौ । भट्ट निवार्तमान प्रतिनिधी सभा संसद पनि रही सकेका हुन् ।

प्रदेश सरकार गठन भएको ५ बर्ष पुग्दा पनि नबनेको राजधानी निर्वाचन मुखमा राजधानीको विषय चुनावी फण्डा बनेको छ । प्रदेश सरकारले हालसम्म पनि न राजधानी गोदावरी सार्न सक्यो न त तोकिएको स्थानमा कुनै संरचना नै बनाउन सक्यो । वन क्षेत्रमा राजधानी तोकेकै कारण सुरुदेखि नै प्रदेश सरकार विवादमा रह्यो ।

अहिले प्रमुख दुबै दलबाट उम्मेदबार रहेका बलायर र भट्टको प्रमुख एजेण्डा प्रदेश राजधानी गोदाबरी भएको छ । अहिले प्रतिनिधि सभाका लागि कैलाली क्षेत्रनम्बर ४ बाट नेकपा एमालेका सचिव, पूर्वमन्त्री तथा पार्टीका सुदूरपश्चिम इन्चार्ज लेखराज भट्ट उम्मेदवार छन् । नेता भट्टले प्रधानमन्त्री लगायत नेपाली काँग्रेसका नेताहरूले प्रदेशको राजधानीलाई पहाड लग्नुपर्छ भन्नु सुदूरपश्चिमका जनताको अपमान भएको बताउदै आएका छन् । एकथरीले भने तिनै भट्ट मन्त्री हुँदा समेत केही गर्न नसकेको भन्दै आलोचित रहदै आएका छन् । अहिले भट्ट जनता सामु एमालेको सरकार आयो भन्दै जनतालाई भूमिको मालिक बनाएर राजधानी निर्माण गर्ने कुरामा मेरो महत्वपूर्ण भूमिका रहने भन्दै जनता माँझ आफ्ना एजेण्डा प्रस्तुत गर्दै भोट माग्न थालेका छन् ।

काँग्रेसका तर्फका उम्मेदबार बिरबहादुर बलयारको निर्वाचन क्षेत्र डोटी रहेको थियो । गठबन्धन गर्दा उनले टिकट नपाएपछि कैलाली झरेका हुन् । डोटीमा रहदा प्रदेशको राजधानी डोटीनै हुनुपर्छ भन्दै निकै कडा रुपमा प्रस्तुत हुने नेपाली कांग्रेसका प्रदेश सभापति वीर बहादुर बलायर अहिले आएर राजधानी गोदाबरी नै हुनुपर्छ भन्दै आएका छन् । त्यसबेला डोटीमा चुनाव लड्दै गर्दा डोटीमै राजधानी बनाउने भन्ने अभियानमा थिए ।

‘चुनावी एजेण्डा मात्रै भए सबैका राजधानी, जति पनि नेता फेरिएपनि सरकारले नागरिकलाई राजधानी बन्छ भनि झुक्याएको छ’ गोदाबरीका स्थानीय उत्तमकुमारी ध्याडीले भने–‘नेताहरुको चनावी नारा नभएर सबैको पायक पर्ने ठाउँ गोदावरी भएकोले राजधानी बनाउन सबै पहल गरौ ।’ छिटो छरितो रुपमा प्रदेश सरकारले राजधानी बनाउनुपर्ने उनको माग छ । सुदूरपश्चिम प्रदेशमा अहिले सम्म राजधानी बन्न नसक्नुमा प्रदेश सरकार दरिलो नहुनु स्थानिय अफिलाल जोशीको गुनासो छ । गोदावरीमै राजधानी हुन सकेमा आम नागरिकलाई एकै ठाउँमा काम र सेवा सुविधा लिन सहज हुने स्थानिय अफिलाल जोशीले बताए ।

चुनावी माहोल तातितै जाँदा फेरि एकपटक प्रदेशको राजधानीको विषयमा फरक – फरक धारणा बनाउँदै मत आफ्नो पक्षमा पार्न उम्मेदवारहरू लागिपरेका छन् ।