धनगढी, ३१ असोज/लोकतान्त्रीकबाम गठबन्धनका उम्मेदबारका पक्षमा माहोल बनाउन संयुक्त कैलाली जिल्ला स्तरिय निर्वाचन परिचालन समिति गठन गरिएको छ ।

सोमबार नेपाली काँग्रेस कैलालीको पार्टी कार्यालयमा बसेको गठबन्धनको संयुक्त बैठकले काँग्रेस कैलालीका सभापतिको संयोजकत्वमा ४ सदस्यीय समिति गठन गरिएको हो । समितिको सदस्यहरुमा नेकपा एकीकृत माओवादीका तर्फवाट लाजुराम चौधरी, नेकपा(एकीकृत समाजवादी ) तर्फवाट भैरब रावल र राष्ट्रिय जनमोर्चाका तर्फवाट जगत प्रसाद जोशी रहेका छन् ।

समितिले कैलाली जिल्लाका ५ ओटै निर्वाचन क्षेत्रमा सत्तारुढ गठबन्धन दलमा रहेका क्षेत्र भित्रका केन्द्रीय सदस्य, प्रदेश कार्यसमिति, पार्टीका जिल्ला पदाधिकारि तथा सदस्यहरुसंग समन्वय गरी अनिवार्य उपस्थित गराउने र निर्वाचनमा परिचालन गराउने निर्णय भएको नेपाली काँग्रेस जिल्ला सचिव केसवराज मिश्रले बताए ।

कैलाली जिल्ला स्थित लोकतान्त्रिकबाम गठबन्धन दलहरुले आसन्न मंसिर ४ गते हुने प्रतिनिधि र प्रदेश सभा निर्वाचनलाई रणनीतिक रुपमा सफल बनाउन जिल्ला स्तरिय निर्वाचन परिचालन सयुक्त समिति गठन गरेको हो । निर्वाचन परिचालन सयुक्त समिति गठन पश्चात सो समितिको बैठक वसेको थियो ।

कार्यक्रममा नेपाली काँग्रेसका केन्द्रीय सदस्य ईश्वरी न्यौपाने, रण बहादुर रावल, सुशीला मिश्र भट्ट, नृप बहादुर वड र जीवन राना एकीकृत नेकपा माओवादी केन्द्रका केन्द्रीय सदस्य हरि ज्ञवाली, लाल बहादुर सोडारी, विरभान चौधरी र लक्षिराम आचार्य नेकपा(एकीकृत समाजवादी ) केन्द्रीय सदस्य तथा प्रदेश अध्यक्ष हर्क बहादुर सिंह, दिनेशचन्द्र सुवेदी र लक्ष्मण कुवँर राष्ट्रिय जनमोर्चाका केन्द्रीय सदस्य नन्दराज भट्ट र हरिकृष्ण पाण्डेको तथा जिल्ला तहका नेताहरुको उपस्थिति रहेको थियो ।