धनगढी, १४ भदौ । माइती नेपालद्धारा धनगढी उपमहानगरपालिका वार्ड नं. १७ मिलनपुरमा कुखुराको चल्ला र आर्थिक सहयोग गरेको छ ।

धनगढी उपमहानगरमा यु .एन .ओमन को आर्थिक सहयोगमा महिलाका लागि महिलाद्धारा सामुदायिक भान्सा घर कार्यक्रम अन्तर्गत माइती नेपाल धनगढीले वार्ड नं. १७ को मिलनपुरमा कुखुराको खोर बनाउनका लागि आर्थिक सहयोग दियको र चल्ला बितरण गरेको हो ।

आर्य आर्जन तथा जिबिको पार्जनका लागि महिलाहरुलार्इ सशक्त बनाउन र बिपन्न, मुक्त कमैया तथा हिंसा पिडित १५ जना महिलालाई एक–एक कुखुराको खोर गरि १५ वटा खोर , त्यसै गरि ४० वटा चल्लाको दरले जम्मा ६०० चल्ला र दाना बितरण गरिएको छ ।

कोरोना महामारीका बेला रोजगार गुमाइ खान लाउन समेत समस्या भएको अवस्थामा महिलाहरु व्यवहारिक रुपमा कुखुरा पालन गरि आयआर्जनसँगै आर्थिक अवस्थामा सुधार गर्ने र आत्मनिर्भर बनाउने अभिप्रायले उक्त बिउपुजी बितरण गरिएको माइती नेपाल केन्द्रिय कार्यालका निर्देशक बिश्व राम खडकाले बताए ।