एजेन्सी – फिफा विश्वकप २०२२ कतार अन्तर्गत युरोपेली छनोटको समूह जी मा नर्वेलाई पराजित गर्दै नेदरल्यान्ड्स समूह विजेता बन्दै विश्वकपका लागि छनोट भएको छ ।

मंगलबार सम्पन्न खेलमा नेदरल्यान्ड्सले २(० को जित दर्ता गर्दै समूहको शीर्षस्थान पक्का गरेको हो । यता पराजित नर्वे भने समूहको तेस्रो स्थानमा रहँदै विश्वकपमा छनोट हुनबाट बन्चित भयो । नेदरल्यान्ड्सको जितमा स्टिभन बर्गवाइन र मेम्फिस डिपाएले १(१ गोल गरेका थिए ।खेलको ६ मिनेट बाँकी रहँदा बर्गवाइनले गोल गर्दै डच टोलीलाई अग्रता दिलाएका थिए । इन्ज्युरी समयमा प्राप्त कर्नरमा नर्वे निकै आक्रामक प्रस्तुत भएपछि नेदरल्यान्ड्सले काउन्टर अट्याकमा अग्रता दोब्बर पारेको थियो । बर्गवाइनले डिपाएले सहज अवसरमा पास दिँदै गोल गरेका थिए ।

यससँगै नेदरल्यान्ड्सले सन् २०१४ विश्वकपको सेमिफाइनलपछि विश्वकपमा पुनरागमन गरेको छ । यसअघि सन् २०१८ को विश्वकपमा भने नेदरल्यान्ड्स छनोट हुन सकेको थिएन । नर्वे भने सन् १९९८ यता विश्वकपका लागि छनोट हुन सकेको छैन । युवा फरवार्ड एर्लिङ हालान्ड घाइते हुनुले पनि टोलीको प्रदर्शनमा असर परेको थियो । यसै समूहको अर्को खेलमा टर्कीले मोन्टेनेग्रोलाई २(१ ले पराजित गर्दै प्लेअफमा स्थान पक्का गरेको छ । नेदरल्यान्ड्सले १० खेलमा २३ अंक जोड्दा टर्कीले १० खेलमा २१ अंक जोड्यो । नर्वे १० खेलमा १८ अंकसहित तेस्रो स्थानमा रहयो ।