धनगढी– नेपाली कांग्रेसकी नेतृ तथा पूर्व सांसद डा. आरजु राणा देउवाले उर्मा र फुलबारीका दुई स्वास्थ्य चौकीलाई अक्सिजन कन्सनट्रेटर तथा स्वास्थ्य सामाग्री वितरण प्रदान गरेकी छन् ।

डा. राणाको आर्थिक सहयोगमा मंगलबार धनगढी उपमहानगरपालिका–१६ मा रहेको उर्मा स्वास्थ्य चौकी र धनगढी उपमहानगरपालिका–१९ मा रहेको फूलबारी स्वास्थ्य चौकीमा एक÷एक थान अक्सिजन कन्सनट्रेटर प्रदान प्रदान गरीएको हो ।

कन्सनट्रेटर सँगै उहाँले मास्क, स्यानिटाइजर लगायतका स्वास्थ्य सामाग्री पनि प्रदान गर्न भएको हो । डा. राणा बाट प्राप्त कन्सनट्रेटर र स्वास्थ्य सामाग्रीले आपत्कालीन अवस्थामा अक्सिजन कम भएका बिरामीको उपचारमा सहयोग पुग्ने फूलबारी स्वास्थ्य केन्द्रमा कार्यरत अधिकृत सुलोचना अधिकारीले बताईन् । उक्ता स्वास्थ्य सामग्री रुडुक र सुरक्षित मातृत्व सञ्जालको संयुक्त पहलमा प्रदान गरिएको रुडुक कैलालीकी अध्यक्षले ममता शाहले जानकारी दिईन् ।

यस अघि पनि डा. आरजु राणा देउवाले कोरोनाको उच्च जोखिममा बिरामीलाई समस्या परिरहेको जानकारी पाएपछि तत्काल सेती प्रादेशिक अस्पताल लाई दुई थान अक्सिजन कन्सनट्रेटर प्रदान गर्नु भएको थियो । उहाँले अक्सिजन प्लान्ट खरिदका लागि धनगढी उपमहानगरपालिकालाई १० लाख रुपैयाँ आर्थिक सहयोग पनि गर्नु भएको थियो ।