धनगढी, ४ जेठ/बाजुरामा आईशोलेसन र भेन्टिलेटर नहुदा कोरोनाका विरामिहरूले अकाल मै ज्यान गुमाउनु पर्ने अवस्था सृजना हुन थालेपछि बजुरेलीहरु जनस्तरबाट नैचन्दा संकलन गरेर स्थापना गर्ने अभियन थालेका छन् ।

बजुराको त्रिबेणी नगरपालिका ९ पौमा मुल घर भई हजार धनगढीमा व्यबसाय गर्दै आएका समाजसेवी राजेन्द्र खत्रीले जिल्ला मै आईशोलेसन र भेन्टिलेटर स्थापना गर्ने अभियानमा जुटेका हुन् आईशोलेसन र भेन्टिलेटर स्थापना अभियान सञ्चालन गर्ने अभियानमा जुटेका समाजसेवी खत्रीले आफैबाट ५१ हजार नगद जम्मा गरी उक्त अभियानको सुरु गरेको घोषणा गरेका हुन् । ‘बाजुराले धेरै राजनेता जन्मायो तर, कसैले पनि बाजु्राको स्वास्थ्य सेवा ख्याल गरेन्’ समाजसेवी राजेन्द्र खत्रीले भने–‘अब जनस्तरबाट जनताका लागि गुणस्तरिय स्वास्थ्य सेवा दिने अभियान थालनी गरेका हौ ।’

यो अभियनमा बजुराका अन्य सहयोगीहरु संग पनि समन्वय भैरहेको छ उनले भने–‘राजनीतिक उतारचढाव संगै फेरिएका राज्यसत्ताहरुको ध्यान त्यो दुर्गम ठाउँ बाजुरामा जान सकेन । बर्तमान समयमा विकराल रुपमा फैलिएको कोरोनाले दिनहुँ कयौ जनाको छट्पटी संगै लास बनिरहेको अवस्थामा पनि जिल्ला अस्पतालमा एउटा भेन्टिलेटर नभएको अवस्था छ । अबको दिनमा कोही कसै जिल्ला बासिले उपचार नपाएर छट्पटीनु नपरोस् भन्दै एउटा मानवीय अभियानको सुरुवात गरौँ र आफ्नो तर्फबाट सहयोग स्वरुप ५१ हजार दिने घोषणा गरेको बताए । खत्रीले भने बाजुरा बासी सबै समाजसेवीहरूले यस अभियानमा हातेमालो गरेर सहयोग गर्न पनि अनुरोध गरेका छन् ।