टीकापुर १९ बैशाख/ नेपाली कांग्रेस सुदुरपश्चिम प्रदेश संसदीय दलका नेता डा.रणबहादुर रावलले आफ्नो निर्वाचन क्षेत्रमा भएका बिकास निर्माणका आयोजना निरिक्षा गरेका छन् ।

आईतबार कैलाली निर्वाचन क्षेत्र नम्बर १को ‘ख’ प्रदेशबाट निर्वाचित प्रदेश सदस्य डा. रावलले टीकापुर क्षेत्रका आयोजना निरिक्षण गरेका हुन् । उनले सो क्षेत्रका बिकासे आयोजना निरिक्षण गर्दै आयोजनाका प्रमुख तथा निर्माण व्यबसायीहरुलाई समयमै काम सम्पन्न गर्न निर्देशन दिएका छन् ।

नेता रावलले राष्ट्रिय गौरवको आयोजना रानी, जमरा, कुलरिया सिचाई आयोजनाका योजना प्रमुख बिधुर श्रेष्ठलाई समयमै काम सम्पन्न गर्न निदेर्शन दिएका थिए । डुबान क्षेत्र भएकोले सो क्षेत्रमा भएको सम्भावना भएकोले अर्नुवामा तटबन्ध निर्माण र पथरैया नदी वाणीमा टिकापुर–जोशिपुर जोड्ने पुलको बिषयमा स्थलगत अनुगमन गरि सो क्षेत्रमा बाध बनाई समस्या सामाधान गर्ने समेत नेता रावलले प्रतिबद्धता जनाएका छन् ।

टोलीमा नेविसंघ केन्द्रीय सदस्य दिपक चौधरी, नेपाल शिक्षक संघ कैलालीका अध्यक्ष गणेश ओझा, नेपाली काँग्रेस टीकापुर नगर सभापती धनराज उपाध्याय, नेपाली काँग्रेस क्षेत्र नम्बर् ‘ख’का प्रदेश सभाका सभापति प्रकाश शाह, टीकापुर उद्योग बाणिज्य संघका अध्यक्ष रामबहादुर भण्डारी लगाएतको सहभागिता रहेको थियो ।