धनगढी, माघ २७/ बैतडीकी १७ वर्षीया किशोरी भागरथी भट्टका दोषीलाई कार्वाहीको माग गर्दै सुदूपश्चिमाञ्चल क्याम्पसका विद्यार्थीहरुले प्रदर्शन गरेका छन । बैतडीमा बिहीबार मृत अवस्थामा फेला परेकी किशोरीको हत्या प्रकरणका दोषीलाई कारवाहीको माग गर्दै सुदूरपश्चिम प्रदेशको मुख्यमन्त्री कार्यालय अगाडि प्रदर्शन गरिएको छ।

दोगडाकेदार गाउँपालिका–७ की १७ वर्षीया किशोरी भागरथी भट्टको हत्यारालाई यथाशिघ्र कारवाहीको दायरामा ल्याउन मागसहित विद्यार्थीहरुले मुख्यमन्त्री कार्यालयको प्रवेशद्वार अगाडि प्रदर्शन गरेका हुन।

उनीहरुले भागरथीका हत्यारालाई सार्वजनिक गरी तत्काल कारवाहीको माग गरेका छन्।

उनको बलात्कारपछि हत्या भएको पोस्टमार्टम रिपोर्टपश्चात पुस्टि भइसकेको छ। घटनाको थप अनुसन्धान भइरहेको प्रहरीले जनाएको छ।