धनगढी, ५ माघ/ जाडो बढेसंगै कैलालीको चुरे क्षेत्रमका पशुपालक किसानहरु बेसी झर्न थालेका छन । उच्च पहाडी भुभागमा अत्याधिक जाडो हुने भएकाले उनीहरु वर्षेनी पालेका पशु सहित चराउन बेसी झर्ने गरेका छन ।

बेसीका अस्थायी टहरामा जाडो याम बिताएर उनीहरु पुन घर फर्कने गरेका छन । कैलालीको महोन्याल गाउँपालिकाका किसानहरु गाई, बाख्रा सहित बेसी झर्ने गरेका छन । उच्च पहाडी भुभागमा अत्याधिक चिसो हुने भएकाले जाडो छल्न उनीहरु पालेका पशु सहित बेसी झर्ने गरेका हुन । जाडो यामका लागि बेसीमा न्यानो र अनुकुल वातावरण हुने तथा घासपात समेत पर्याप्त हुने भएकाले बर्सेनी गोठ सारे गरेको उनीहरुको भनाई छ ।

जाडो याममा चुरे क्षेत्रमा हुने अत्याधिक चिसोका कारण गाई वस्तु तथा बाख्राहरु कठ्याङग्यिर बिरामी हुने तथा मर्ने समस्या हुने भएकाले चुरे क्षेत्र महोन्याल गाउँपालिकाको पण्डौन, खिमडि, बजेडि लगाएतका ठाउँबाट बेसी झर्ने गरेका हुन । हिउदमा चुरेको पहाडको उच्च क्षेत्रमा पर्याप्त घासहरु नपाउने, पाएको घसपनि बाख्राले नरुचाउने तथा चिसोले फस्टाउन नपाउने तथा स साना पाठाहरुमा समेत देखिने गरेको उनहिरको भनाई छ । सो क्षेत्रमा यतिबेला मानिस समेत बस्न सक्ने अवस्था नहुने बाख्रा गोठमा भेटिनु भएकी हिरादेवीले बलमे बताईन् ।

बिगतमा जाडो छल्न अन्यत्र जाने गरेका उनीहरु ४ वर्ष यता भने महोन्याल गाउँपालिकाको वडा नम्बर ४ मा पर्ने कालापानी क्षेत्रमा बस्ने गरेका छन । प्रति परिवार ४० बढी बाख्रा पालन गरिरहेका उनीहरु यही पेशालाई नै ब्यवसायिक बनाउदै आएका छन । यतीबेला कालापानी क्षेत्रमा केही परिवारले अस्थायी टहरा निर्माण गरी बाख्रापालन गरिरहेको भएपनि अन्य क्षेत्रहरुमा समेत सोही क्रम जारी रहेको उनीहरु बताउछन ।
जंगलमै अस्थायी टहराको बासले केही जोखिम त निम्त्याएको छ नै उनीहरुका लागि सुद्ध खानेपानीको समेत समस्या हुने गरेको छ । कतीपयले गाई समेत पालन गरी घिउ उत्पादन गरिरहेका छन । स्वास्थ्यको पहुचमा पनि खासै पुग्न नसकेका उनीहरुले जंगली जडीबुटीको प्रयाग नै बढी गर्ने गरेका छन ।