धनगढी, मंसिर २६/ कैेलालीमा युवा शान्ति परिषदले नेपाल प्रहरीको समुदाय साझेदारी कार्यक्रमको प्रभावकारीताका लागी बिभिन्न कार्यक्रमको आयोजना तर्जुमा गरेको छ। युवा शान्ति परिषदले ‘समुदाय प्रहरी साझेदारी’ कार्यक्रम सन्चालन गरेको हो।

परिषद कैलालीले १६ दिने लैङ्गिक हिंसाविरुद्धको कार्यक्रमलाई लक्षित गरी जिल्लाका बिभिन्न स्थानहरुमा उक्त क्षेत्र अन्तर्गतका प्रहरी युनिट, स्थानीय जनप्रतिनिधि, समुदाय र नागरिक बिचको सम्बन्ध सुदृढीकरण र समन्वय गर्ने हेतुले कार्यक्रम आयोजना तथा प्रस्तुत गरिएको युवा शान्ति परिषद कैलालीका संयोजक प्रेम ढुङ्गानाले बताए।

उनले भने “हामीले कैलालीको टिकापुर, गौरिगङ्गा, धनगढी ११, धनगढी १२, अत्तरिया लगायतका स्थानहरुमा कार्यक्रम आयोजना गरि सम्पन्न गरेका छौ। कार्यक्रममा स्थानीय, प्रहरि प्रशासन र समुदाय बिच छलफल र अन्तरक्रिया गरिएको छ, लगत्तै भोलि सुक्खड र बौनियामा कार्यक्रमको मिति तय गरिएको छ” ।

कार्यक्रमले हिंसाजन्य कार्य, लागुऔषध दुर्व्यसनी, सामाजिक विकृतिको रोकथाम तथा न्यूनिकरणमा भुमिका खेल्ने र स्थानीय सरकार एबम प्रहरि प्रशासन संग प्रत्यक्ष सहकार्य गर्ने संयोजक ढूङ्गानाले बताए।

उक्त कार्यक्रम संयुक्त राष्ट्र संघ विकास कार्यक्रमको सहयोगमा सन्चालित छ।