धनगढी, २१ मंसिर/नेपाली कांग्रेस कैलालीले मंसिर २९ गते धनगढीमा विरोध-सभा आयोजना गर्ने भएको छ । जिल्ला कार्य सम्पादन समितिको हिजो (शनिबार) बसेको बैठकले धनगढीमा विरोध- सभा आयोजना गर्ने निर्णय गरेको हो ।

कम्युनिष्ट सरकारको विभेद, पक्षपात, सर्वसत्तावादी प्रवृति, दमनकारी व्यवहार, भ्रष्टाचार-बेथिति, कोभिड-१९ को नियन्त्रण र उपचारमा देखाएको उदासिनता र अकर्मण्यताका कारण देश र जनताले भोगिरहेको सास्ती र पीडालाई जनतासामु छर्लङ्ग पार्न भन्दै धनगढी स्थित पार्कमोडमा विरोध-सभा आयोजनागर्ने निर्णय गरेको नेपाली कांग्रेस कैलाली सभापति नरनारायण शाह मनुले जानकारी दिए ।

बैंककले नेपाली काँग्रेका पुर्व सभापति एवम पुर्व प्रधानमन्त्री कृष्णप्रसाद भट्टराईको ९७ औं जन्मजयन्तिको अवसरमा पौष ८ गते जिल्लाको विकास निर्माण कार्यमा मौलाएको भ्रष्टाचार र अनियमितताको वार्षिक प्रतिवेदन सार्वजनिक गर्ने निर्णय गरेको छ ।

यस्तै काँग्रेस कैलालीले क्रियाशिल सदस्यता नविकरण र नयाँ वितरणको अनुगमन र व्यवस्थापन प्रक्रियालाई सहजीकरण गर्न पाँच वटै संघिय निर्वाचन क्षेत्रमा पदाधिकारी खटाएको छ ।