विवस कुमार सेजुवाल

सुर्खेत २० मंसिर– हुम्ला सिमकोट गाउपाँलिका ७ डाडाफयाको जबुका नजिकैे शुक्रबार राती लु.२ च २१०२ नंम्बरको बलेरो जीप दुर्घटना हुँदा ४ जनाको मृत्यु भएको छ भने एक बच्चा सहित ७ जना घाइते भएका छन्

सिमकोटबाट बिरामी लीन हेप्काखोला गएको जिप बिरामी लिएर सिमकोट पर्किने क्रममा सिमकोट गाउँपालिका-७ को डाडाफयामा राती १०ः०० बजे बलेरो जिप दुर्घटना भएको जिल्ला प्रहरी कार्यालयका प्रबक्ता एबं प्रहरी निरीक्षक सिताराम बिष्टले जानकारी दिए ।

दुर्घटनामा परि मृत्यु हुनेमा १ जना महिला र तीन जना पुरुष रहेका छन् । मृतकको सनाखत हुन नसकेको प्रहरीले हुम्ला जिल्ला प्रहरी कार्यालयले जानकारी दिएको छ ।

दुर्घटनामा परि एक बच्चा सहित अरु ६ जना घाइते भएका छन् । घाईते हुनेमा सिमकोट २ ठेहेका जिप चालक सिंगम भण्डारी, सिमकोट ६ बस्ने प्युठानका अजय बस्नेत, सिमकोट ८ खोल्सिकी कल्पना सिंह, सिमकोट ८ खाल्सिका १ बर्षे बालक मिलन सिंह, सिमकोट ८ खोल्सिकी सम्झना शाही नाम्खा गाउँपालिका वडा नं. १ की झुमझुम लामा र सिमकोट बजारमा बस्ने बाजुराका कबि सिंह रहेका छन् ।

घाइतेहरुको हुम्ला जिल्ला अस्पतालमा उपचार भइरहेको छ । घाइते मध्ये २ जनाको अवस्था गम्भिर रहेको र बच्चा सहित ५ जनाको अबस्था सामान्य रहेको जिल्ला अस्पतालका डाक्टर टसि अंङजुक लामाले जानकारी दिए ।बलेरो जिप मुल सडक भन्दा करिब ६ सय मिटर दक्षिणमा खसेको हुम्ला प्रहरीका प्रबक्ता बिष्टले बताए ।

जिप दुर्घटना भएको खबर पाए लगतै घटनास्थल पुगेका नेपाल प्रहरी, ससस्त्र प्रहरी, नेपाली सेना र स्थानियबासीले उद्धार गरेका थिए । राती भएकाले उद्धारमा केही समस्या भएको घटनास्थल पुगेका ससस्त्र प्रहरी बल हुम्ला प्रमुख डिएसपी मोहन बिस्टले सुदुरपत्रलाइ जानकारी दिए ।

अधिकांशको छाती , टाउको र हात खुट्टामा चोट लागेको जिल्ला प्रहरी कार्यालय हुम्लाले जनाएको छ ।