महेन्द्रनगर, २७ भदौ-कञ्चनपुर जिल्लाका एक युवा समुहले राजमार्गमा छाडा चौपायालाई रेडियम कलर जडान अभियान थालेका छन् ।सडकमा हुने दुघटना न्युनिकरणलाई मध्यनगर गरि केहि दिनअघि मात्रै छाडा चौपायाको घाँटीमा रेडियम कलर जडान अभियान थालेको युवा समुहका सदस्य तथा राष्ट्रिय प्रकृती संरक्षणमा कार्यरत समिर बम मल्लले जानकारी गराए । मल्ल वेदकोट नगरपालिका–७ सुडा निवासी हुन् ।

‘केहि बर्ष यता छाडा चौपायाको समस्या ठुलो रुपमा देखिएको छ । जसका कारण राजमार्गमा दुर्घटना हुने गरेका छन् ।’ अभियानका सदस्य मल्ले भने, ‘कतिपय दुघटनामा मानविय क्षति समेत भएका छन् । त्यसलाई केहि हदसम्म भएपनि न्युनकिरण गर्न अभियान सुरु गरेका छौं ।’

यस युवा समुहले आफ्नो व्यक्ति गत खर्चमा अभियानको थालनि गरेका छन् । समुहमा मल्लसंगै कैलाश चन्द, नरेन्द्र भाट, सौरभ पनेरु लगायत रहेका छन् ।

उनिहरुले करिब सात हजार रुपैया जुटाएर यो अभियान सुरु गरेका हुन् ।

रेडियम कलर धनगढीबाट ल्याईएका हुन । ‘साथीहरुसंग यो समस्याकाबारेमा छलफल गरि काम थालेका हौं ।’ मल्लले भने ।‘सबै मिलेर पैसा उठायौं । अहिलेसम्म एक सयको हाराहारीमा छाडा चौपायामा रेडियम कलर लगाउने कार्य भैसकेको छ । यसलाई हामी निरन्तता दिईरहेका छौं ।’ मल्लले भने । ‘बढी जसो रातीको समयमा छाडा चौपायाका कारण सडकमा दुर्घटना हुने जोखिम बढी छ ।रेडियम कलर रातीको समयमा चम्किन्छ । यसले सवारी चालकलाई सचेत गराओस् भन्ने हाम्रो धेय हो ।’

हाम्रो यो सानो प्रयासले केहि हदसम्म भएपनि सडक दुघटना रोकोस र त्यसबाट हुने क्षतिमा कमि आसोस भन्ने आफुहरुको चाहनारहेको भनाई राख्दै मल्लले थपे ‘छाडा चौपाया कारण सडक दुर्घटनामा परि कसैले अकालमैं ज्यान गुमाउनु नपरोस ।’ राजमार्ग बाहेकका सडकमा पनि छाडा चौपाया ठुलो समस्याका रुपमा रहेको छ । यि युवाहरुको यो सराहनिय कार्य अरुले पनि अनुसरण गर्नु पर्ने देखिन्छ ।