धनगढी २१ भाद्र- धनगढीमा कोरोना भाईरस ९कोभिड–१९० को महामारीले भयावह रुप लिईरहेको छ । स्थानियमा संक्रमण फैलिदै गएपछि धनगढीका कतिपय टोलहरु सिल हुदै गएका छन् ।

स्थानिय र ट्राभल हिस्ट्री नभएकाहरुका संक्रमणदर बढ्दो क्रममा छ । विज्ञहरुले धनगढीमा कोरोना भुसको आगोझै फैलिसकेको समेत दाबी गर्दै आएका छन् । आइतबारसम्म धनगढीमा संक्रमित पुगीसकेका छन् । जिल्ला प्रशासन कार्यालय कैलालीले भदौ ४ गतेदेखी १९ गतेसम्म जिल्लाभर पुर्ण रुपँमा निषेधाज्ञा जारी गरेको थियो । आजदेखी मात्रै प्रशशासनले निषेधाज्ञा केही खुकुलो गरेको छ । भिडभाड नर्गन र सार्वजनिक कार्यक्रम नगर्न प्रशासनले नियमित आग्रह गरिहेको छ ।
महामारीकै बिचमा कोरोनालाई वेवास्ता गर्दै धनगढी उपमहानगरपालिका–१४ फूलवारीमा ‘फुलवारी जेसिज’ ले आफ्नो ५ औँ स्थापना दिवस औपचारीक कार्यक्रमगरी मनाएको छ ।

कार्यक्रममा कुनै सामाजिक दुरी कायम नगरी प्रशासनको निर्देशनलाई अवज्ञा गर्दै फुलवारी जेसिजले औपचारीक कार्यक्रम गरेको हो । कार्यक्रममा विशिष्ट व्यक्तिहरुको पनि उपस्थिती रहेको थियो । नियमक निकायका जिम्मेवार व्यक्तिबाटै गैरजिम्मेवारी कार्य भएको र प्रशासनको निर्देशनलाई वेवास्ता गर्दै औपचारीक कार्यक्रम गरेको भन्दै आलोचना भईरहेको छ ।

कार्यक्रम उपस्थित सुदूरपश्चिम प्रदेश सभा सासंद नेपालु चौधरीले मास्क समेत प्रयोग गरेका छैनन् । यस्तै औपचारीक कार्यक्रममा सामाजिक दुरीपनि कायम नगरीएको देखीन्छ । तर प्रहरीले सर्वसाधारणलाई मास्क नलगाएको भन्दै दैनिक जसो जरिवान गरिरहेको छ । माननियको यस्तो हर्कतले सानालाई ऐन ठुलालाई चेन भनेजस्तै भएको छ । हुनेखानेहरुले जे गर्दापनि हुने सर्वसाधारणले जरिवाना तिर्नुपर्ने, तातो घाममा उभिएर सजाय भोग्नुपर्ने यो कस्तो नियम हो भन्दै चौतर्फी रुपमा सर्वसाधारणले प्रश्न गर्न थालेका छन् ।

यता जिल्ला प्रशासन कार्यालय कैलालीका सूचना अधिकारी शिवराज जोशीले जिम्मेवार व्यक्तिहरुलेनै लापरवाही गरीरहेको बताए । उनले प्रशासनले गरेर मात्रै सबैकुरा सम्भव नहुने भन्दै सबैलाई सचेत हुन र सरकारको निर्देशन पालन गर्न आग्रह गरे । जोशीले सबै ठाउँमा प्रशासनको नजर पुग्न नसक्नेभन्दै नागरीकहरुले सहर्तक हुनुपर्ने बताए । सरकारलेनै यस्ता औपचारीक कार्यक्रम नर्गन निर्देशन जारी गरेको अवस्थामा नियमको उलंघन गर्न नहुने उनले बताए ।

फूलवारी जेसिजका अध्यक्ष विकास नेपालीले भने आफुहरुले सरकारले जारी गरेका स्वास्थ्य सम्बन्धी निर्देशीका भित्र रहेर कार्यक्रम गरेको बताए । आफुहरुले वडा कार्यालयको अनुमतीमा कार्यक्रम गरेको उनले दाबी गरे । कार्यक्रममा प्रदेश सभा सासंद नेपालु चौधरी, धनगढी–१४ का वडाअध्यक्ष राम बजारी चौधरी, धनगढी जेसीजका अध्यक्ष श्याम पाठक, फुलवारी जेसिजका संस्थापक अध्यक्ष सुनिल सुवेदी, पुर्ब अध्यक्ष लक्ष्मिराज ओझा लगाएतका ठुलो संख्यामा मानिसहरुको उपस्थिती रहेको थियो ।