सुर्खेत
भदौ २०,
कर्णाली प्रदेश सरकारले हुम्ला सर्केगाड गाउँपालिका ७ ठुला गाउँका अग्नि पिडितहरुलाई राहत वितरण गरेको छ ।

प्रदेश सरकारका सामाजिक विकास मन्त्री दल रावलले प्रदेश सरकारको तर्फबाट अग्नि पिडितहरुलाई शनिवार आगलागि भएको स्थान सर्केगाड ७ ठुला गाउँ नै पुगेर राहत वितरण गरेका छन् ।

आगलागी भएको चार दिन पछि मन्त्री रावलले प्रदेश सरकारको तर्फबाट आगलागि भएको स्थानमा स्थलगत अवलोकन समेत गरेका छन् । अग्नि पीडितहरुलाई प्रदेश सरकारसँगै भएकाले आगलागीबाट भएको क्षतिका बारेमा चिन्ता नमान्न मन्त्री रावलले पिडितहरुलाई आग्रह गरेका थिए ।

मन्त्री रावलले त्रिपाल २० थान, कम्बल एक सय थान, म्याट ८० थान, हाइजिन किट २५ थान, प्लाष्टिक बाल्टी र जग २५÷२५ थान, भाडा सेट सात थान, चामल ४० बोरा, दाल एक सय केजी, नुन ५० केजी र कपडा ४६ थान लगेको कर्णाली प्रदेश सरकारका सामाजिक मन्त्री रावलले जानकारी दिए । बुधबार साँझ स्थानीय जोखे जैसीको घरबाट शुरु भएको आगोले बामनबाडाका १५ घरमा क्षती पु¥याएको थियो ।

आगलागि बाट पिडित भएकाहरुलाई तत्काल खान र बस्न समस्या भएकोले स्थानीय सरकार सर्केघाड गाउँपालिकाले बिहिबार प्रति घर १२ हजारको दरले राहत वितरण गरेको सर्केघाड १ का वडा अध्यक्ष गोकुल बुढाले जानकारी दिए ।

‘म यहाँका नागरिकको भोटले राजनिति रुपमा यो स्थानमा पुगेको छु मेरो सुख र दुःखमा साथ जनताले दिए, अब तपाईहरुको सुखदुखमा साथ दिने बेला मेरो आएको छ, ‘मन्त्री रावलले भने’ ‘जनताको समस्या समाधान गर्नको लागि भनेर प्रदेश लागिरहेकोले कुनै पनि चिन्ता नलिनुहोस्,।’