कैलाली, ५ भदौ/शुक्रबार कैलालीमा ३४ जनामा कोरोना संक्रमण पुष्टि भएको छ । धनगढी उप–महानगरपालिकाका १४ महिला र १६ पुरुष गरी ३० जना र गोदावरी नगरपालिकाका ४ पुरुषमा संक्रमण देखीएको हो ।
धनगढीमा संक्रमण देखीएका मध्ये २७ जना भारतबाट आएका र तीन जना स्थानिय रहेका छन् । संक्रमित मध्ये एक जना सेती प्रादेशीक अस्पतालमा कार्यरत महिला कर्मचारी रहेको सेती प्रादेशीक अस्पतालका सुचना अधिकारी दिलीप श्रेष्ठले जानकारी दिए । उनले हालसम्म सेतीमा कार्यरत दुई कर्मचारीमा संक्रमण देखीएको र एक जना निको भएर काममा फर्किएको बताए ।
यस्तै एकजना संक्रमित वडा नम्बर–४ का २४ बर्षीया स्थानिय व्यपारी रहेको र अर्का वडा नम्बर ३ का स्थानियमा संक्रमण पुष्टि भएको उपाध्यायले बताए ।
गोदावरी नगरपालिकामा देखीएका चार जना संक्रमित भने भारतबाट फर्किएका हुन । योसंगै कैलालीमा संक्रमितको संख्या १ हजार ४ सय ६ जना पुगेको छ ।