धनगढी, ४ भदौ/ कञ्चनपुरमा पनि निषेधाज्ञा जारी हुने भएको छ । बिहीवार (आज) राति १२ बजेदेखि १४ गतेसम्मका लागि आशिंक निषेधाज्ञा जारी हुने भएको हो ।
आज मध्यरातिदेखि १४ गतेसम्म अत्यावश्यक सेवा तथा वस्तु बाहेकका अन्य सबै प्रकारका उद्योग, व्यापार व्यवसाय सञ्चालन गर्न नपाईने गरी संक्रामक रोग र स्थानीय प्रशासन ऐन अनुसार निषेधाज्ञा जारी गर्न लागिएको प्रमुख जिल्ला अधिकारी नूरहरी खतिवडाले जानकारी दिए ।
सबै प्रकारका निजी तथा सार्वजनिक सवारी साधन जोर बिजोरका आधारमा सञ्चालन गर्न पाइने छ भने औषधि, खाद्यान्न, तरकारी, दुध, फलफूल, माछा, मासु लगायत अत्यावश्यक बस्तुहरु किन्न मात्रै सवारी साधन प्रयोग गर्न पाइने उनले बताए ।