धनगढी, २ भदौ/ सुदूरपश्चिममा कोरोना संक्रमण मुक्त भएर घर फर्किनेको संख्या ४ हजार दुई सय ११ पुगेको छ । सोमबार सुदूरपश्चिमका आईसोलेसनबाट थप ७ जना कोरोना संक्रमित डिस्चार्ज भएसगै संक्रमण मुक्त भएर घर फर्किनेको संख्या ४ हजार दुई सय ११ पुगेको हो ।

सोमबार कञ्चनपुर, बैतडी र बझाङबाट दुई÷दुई र कैलालीबाट १ जना संक्रमितलाई डिस्चार्ज गरिएको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले बताए ।

सामाजिक विकास मन्त्रालयका अनुसार कैलालीका १ हजार १ सय ६६, अछामका ७ सय १२, डोटीका ५ सय ७६, कञ्चनपुरका ५ सय ७९, बैतडीका ३ सय २१ र डडेल्धुराका दुई सय ९९, बाजुराबाट ४ सय ३५, बझाङबाट एक सय १० र दार्चुलाबाट १३ जना संक्रमितलाई डिस्चार्ज गरिएको छ ।

स्वास्थ्य निर्देशनालयका अनुसार अब सुदूरपश्चिममा एक्टिभ केस ६ सय ३६ रहेका छन । सुदूरपश्चिममा संक्रमितको सङख्या ५ हजार २६ पुगेको छ भने १२ जना संक्रमितको मृत्यु भएको छ । संक्रमण पुष्टि भएका र लक्षण देखिएका ५९ जनाको विभिन्न अस्पतालमा उपचार भईरहेको छ ।