विबस सेजुवाल
सुर्खेत २ असार- नेपाल कम्युनिस्ट पार्टी नेकपा कालिकोटका सचिवालय सदस्य तथा युवा नेता दिपक चौलागाईं (शिखर) को पहलमा निःशुल्क सोलारहरु जडान गरिएको छ ।
बैकल्पीक उर्जा प्रबद्र्धन केन्द्रको संस्थागत सौर्य उर्जा अनुदान कार्यक्रम अन्तरगत सोलार होम्स नेपालको जडान ठेक्कामा कालिकोटका विभिन्न, विद्यालय र स्वास्थ्य संस्थाहरुमा सोलार जडान गरिएको नेकपा कालीकोटका सचिवालय सदस्य दिपक चौलागाईले जानकारी दिए ।
शुभकालीका गाउँपालीको वडा नं २ कालिका मावि भर्ता दुई किलोवाट ९२ हजार वाट, वडा नं ५ दाहाल मावि दुई किलोवाट, ९२ हजार वाट वडा नं ४ नैनेलदेब आधारभूत चौलागाईं बाडामा एक किलोवाट ९१हजार वाट वडा नं ८ महादेव आधारभूतमा एक किलोवाट ९१हजार वाट, खडाचक्र नगरपालीका वडा नं ३ आधारभूत स्वास्थ्य चौकी ताडीमा एक किलोवाट ९१हजार वाट सोलार जडान गरिएको छ ।
त्यस्तै सरस्वती मावि पचालझरना वडा नं ८ मा दुई किलोवाट ९२ हजार वाट, वडा नं ५ पन्चकालिका माबिमा दुई किलोवाट ९२हजार वाट, नवकिरण आधारभूत बिधालयमा एक किलोवाट ९१हजार वाट र वडा नं ८ आधारभुत स्वास्थ्य चौकीलाई पनि एक किलोवाट ९१हजार वाट सोलार नेकपा पचालझरना गाउँ पालिका कमिटी अध्यक्ष पौरख बिश्वकर्मा मार्फत सम्वन्धित संस्थाहरु र वडाको समन्वयमा सोलार जडान गर्न लागेको चौलागाईको भनाई छ ।
सोलार जडान कार्यमा शुभकालिका अध्यक्ष खडानन्द चौलागाईं, पचालझरना अध्यक्ष खड्कराज सेजुवाल, सम्वन्धित वडाका वडा अध्यक्ष, विद्यालयका अध्यक्ष तथा प्रधानाध्यापक संग समन्वय गरि सोलार जडान गरिएको नेता चौलागाईले वताए । गत आर्थिक बर्षमा पनि चौलागाईंको पहलमा शुभकालिकाकै अन्य केहि संस्थाहरुमा निशुल्क सोलार जडान गरिएको थियो।
