धनगढी, २४ माघ
धनगढी उप–महानगरपालिकाका प्रमुख नृपबहादुर वडले द्धन्द्ध पिडितहरुमा पनि प्राथमिकिरण गर्नु आवश्यक भएको बताएका छन् ।
शुक्रवार महिला कानुन र विकास मञ्च र संक्रमणकालिन न्याय, मेलमिलाप द्धन्द समाधानका लागि जिल्ला सञ्जाल कैलालीले आयोजना गरेको स्थानीयतहबाट द्धन्द्ध पीडितहरुका लागि प्रदान गरिएका सेवा सुविधा तथ्याङ्क र बजेटका बारेमा जनप्रतिनिधी र सरोकारवालाहरु संग जिल्ला स्तरीय सम्वाद कार्यक्रममा नगरप्रमुख वडले यस्तो धारणा राखेका हुन । पहुँच भएका द्धन्द्ध पिडितले सरकारबाट प्रदान गरिएको राहत तथा सहयोग मात्रै नभएर बिभिन्न संघसंस्थाहरुबाट पनि राहत सहयोग लिएका छन् नगरप्रमुख वडले भने, तर पहुँच नभएकाहरुले पाउन सकेका छैनन् ।
धनगढी उप–महानगरपालिकाले आगामी दिनमा कार्यक्रम बनाउदा पहुँच नै नभएका द्धन्द्ध पिडितहरुलाई राहत पुग्ने गरि बनाउने नगरप्रमुख वडले बताए । धनगढी उप–महानगरपालिकाले प्रत्यक्ष र अप्रत्यक्ष रुपमा द्धन्द्ध पिडितका लागि कार्यक्रम तर्जुमा गरेको पनि नगरप्रमुख वडले बताए ।
बरिष्ठ कानुन ब्यावसायी तथा महिला कानुन र विकास मञ्च कैलालीका जिल्ला संयोजक डा. जानकी तुलाधरका अनुसार संवाद कार्यक्रममा धनगढी उप–महानगरपालिकाका जनप्रतिनिधी र सरोकारवालाहरुको सहभागिता रहेको थियो । त्यसैगरी कार्यक्रमले धनगढी उप–महानगरपालिका नगर कार्यपालिका सदस्य यसोदा भण्डारीको संयोजकत्वमा द्धन्द्ध पिडितको तथ्यांक अध्यावधीक गर्ने गरि समिति गठन गरिएको महिला कानुन र विकास मञ्च कैलालीका जिल्ला संयोजक तुलाधरले बताईन ।