धनगढी, २१ मंसिर
धनगढी उप–महानगरपालीकाका प्रमुख नृपबहादुर वडले दर्ता भएर संचालनमा नरहेका सहकारी संस्थाहरु खारेज गर्ने तयारी भैरहेको बताएका छन् ।
शनिवार बैजनाथ बुढिगंगा बहुउदेश्यीय सहकारी संस्थाको उद्घाटन गर्दै नगरप्रमुख वडले यस्तो धारणा राखेका हुन । उनले दर्ता गरेर सहकारी संस्थाहरु झोलामा हाल्नुको अर्थ हुदैन नगरप्रमुख वडले भने, संचालनमा नरहेका सहकारी खारेजी वा मर्ज गर्ने तयारीमा जुटेका छौं ।
नगरप्रमुख वडले सहकारीमा सबैंको पहुँच बृद्धी गर्नु आवश्यक रहेको बताए । उनले भने,ठूला बैंकहरुमा सबै नागरिकको पहुँच हुदैन त्यसको बिकल्पको रुपमा पनि सहकारी संस्थाहरु रहेका छन् । सहकारीहरुले ब्यावसायीक कृषी क्षेत्रमा लगानी लगाउनुपर्ने नगरप्रमुख वडले बताए । उनले भने,जे गरेर जनताको जिवनस्तर माथी उठ्न सक्छ त्यसमा लगानी केन्द्रितहुनु आवश्यक छ । नगरप्रमुख वडले शेर सदस्यहरुमा बचत गर्ने बानीको विकास गर्नका लागि सहकारी शिक्षा आवश्यक भएको बताए ।
सहकारी संघका पूर्व केन्द्रिय सदस्य भोजबहादुर बमले सहकारी संस्था प्रजातन्त्र पछिको उपज भएको बताए । उनले भने, लोकतन्त्रको अभ्यास सिक्नका लागि सहकारी संस्था भित्र पस्नुपर्छ । सहकारी भनेकै सहकार्यबाट चल्ने भएकाले सबै सदस्यको उत्तिकै भूमिका रहन्छ ।
त्यसैगरी नगरप्रमुख वडले कैलालीको धनगढी उपमहानगरपालीका ७ मा रहेको नवज्वती सहकारी संस्थाको ११ औं बार्षिक साधारणसभाको उद्घाटन गरेका छन् । उक्त सहकारी संस्थाका अध्यक्ष सिताराम रानाले हरेक शेर सदस्यको पैशाको सुरक्षागर्ने जिम्मेवारी आफुहरुको हुने बताए । उनले भने,छोटो समयमै राम्रो सफलतापाएका छौं यो सबै शेर सदस्यहरुको सहयोगबाट सम्भव भएको हो ।