दीपेन्द्र बस्नेत
(पुनर्वास)कञ्चनपुर ३ मंसिर
देशका बिभिन्न जिल्लाहरुमा हुँदै गरेको उप निर्वाचनमा आफ्ना उम्मेदवार जिताउन जनमत निर्माणमा सकृय देखाउदै नेपाली काँग्रेसकी नेतृ आरजु राणा देउवा कञ्चनपुर पुगेकी छिन ।

वडा अध्यक्ष पदका लागि हुँदै गरेको उप निर्वाचनमा आफ्नो पार्टीको उम्मेदवारलाई जिताउन कार्यकर्ता संग छलफलका लागि कञ्चनपुरको पुनर्वास पुगेकी नेतृ देउवाले नेकपाका कार्यकर्ताहरुलाई नेपाली काँग्रेसमा प्रवेश समेत गराएकी छिन् ।

कञ्चनपुरको पुनर्वासमा मंगलबार कार्यकर्ता भेलामा सम्बोधन गर्दै नेतृ देउवाले भनिन ( दुई तिहाईको दम्भ पालेर बसेको नेकपा सरकारले सत्ताको दुरुपयोग गरेर निर्वाचनलाई प्रभावित पार्न सक्छ यस तर्फ कार्यकर्ता चनाखो हुन पर्छ । नेतृ देउवाले भनिन् अढाइ वर्षको अवधिमा कमिसन , भ्रष्टाचार गर्दै आफू र आफ्ना नजिकका मान्छेलाई पोस्ने बाहेक नेकपाका नेताहरुले केही गर्न सकेनन । उनले भनिन् ( नेकपा सरकाले कृषकहरुको उत्पादन वृद्धिका लागि कार्यक्रम ल्याउनुको साटो उल्टै कृषकबाट चर्को कर असुल्न थालेको छ ।

पुनर्वासको आईबिआरडीमा आयोजित कार्यकर्ता भेलामा बोल्दै नेतृ आरजु देउवाले भनिन ( देशको क्याबिनेट मन्त्री रहेको वडामा बिकास शून्य रहेछ भने देशको बिकास गर्ने त कुरै हुँदैन । द्वन्दकालमा सबै भन्दा बढी तामाङ , थारु लगायत अन्य समुदायलाई सत्ता हत्याउन कम्युनिस्टले प्रयोग गरे ।

सोही कार्यक्रमका विशिष्ट अतिथी रहेका नेपाली काँग्रेसका नेता तथा पुर्व साँसद दिवानसिंह बिष्टले भने ( देशमा समावेशी प्रतिनिधित्वको कुरा गरेर कम्युनिस्टले जनताको आँखामा छारो हालेका छन । तर नेपाली काँग्रेसले समावेशी प्रतिनिधित्व ब्यबहारमै लागू गरेको छ । कम्युनिस्ट बोल्छन धेरै काँग्रेस ब्यबहारमा उतार्ने पार्टी हो । नेता बिष्टले भने “ सुदुरपश्चिमको एक मात्र उपमहानगरपालिका धनगढीमा र कञ्चनपुरको महाकाली नगरपालिकामा मेयर दलित समुदायको प्रतिनिधित्व गराएर जिताएको छ । समावेशीको चर्को कुरा गर्दै हिड्ने कम्युनिस्टहरुले किन दिएनन दलित समुदायलाई मेयर यो हरेक जनताले बुझ्न आबश्यक छ । “ नेता बिष्टले भने (बिकास र जनताको काम गर्ने भनेकै काँग्रेस हो यो क्षेत्रमा जति पनि बिकासका काम भए ती काँग्रेसकै पालामा भएका हुन । “

उप निर्वाचन हुँदै गरेको पुनर्वासको ३ नम्बर वडामा नेकपाका दुई दर्जन कार्यकर्ता नेपाली काँग्रेसमा प्रवेश गरेका छन् । लामो समय कम्युनिस्ट राजनीतिमा साँस्कृतिक मञ्चमा काम गर्दै आएका मानबहादुर ओड लगायतले नेकपा परित्याग गरि नेपाली काँग्रेसमा प्रवेश गरेका छन । नेकपाबाट बेदमाया लोहनी, अञ्जलि तामाङ, गंगा थापा, गोपाल लोहनी, विशाल तामाङ्ग, सन्त मगर, पदम सुनार, लक्ष्मी लनमिछाने,चन्द्रा मगर, बिन्दु मोक्तान, देवी पाण्डे, अमर सुनार, निरल तामाङ्ग, बद्री बि.क, सपना बि.क., सुदीप तामाङ्ग, जेरी तामाङ्ग मान बहादुर तामाङ्ग, सुक बहादुर तामाङ्ग, कर्ण बहादुर तामाङ्, कुमारी तामाङ्ग, मित्र तामाङ्ग, कान्छी माया तामाङ्ग, कमला तामाङ्ग, सुमित्रा तामाङ्गले नेपाली काँग्रेसमा प्रवेश गरेका हुन ।