धनगढी, २६ असोज
मानस संस्कृती समाज कैलालीको आयोजनामा आईतबार देखि सुरु भएको रामकृष्ण लिला ज्ञान महोत्सवको धनगढी उप–महानगरपालिकाका उप–प्रमुख सुशीला मिश्र भट्टले विशेष कार्यक्रमका बिच पुजाआजा गरेकी छन् ।
कलशयात्रा महोत्सव स्थल खुलामञ्च हसनपुर पुगेपछि बिशेष पुजाआजा गएिको थियो । महोत्सवको उद्घाटन भने बेलुकी ६ बजेर तीस मिनेटमा गरिने छ । पुजाआजा गर्दै धनगढी उप–महानगरपालिकाका उप–प्रमुख सुशीला मिश्र भट्टले रामकृष्णलीला ज्ञान महोत्सवले समाजलाई धार्मिक सहिष्णुण बनाउन सहयोग पुग्ने बताईन । उनले भनिन्, रामकृष्णलीलाबाट ब्यक्तिले कर्तब्य, आदरभाव, लगनशिलता , आज्ञापालन जस्ता ब्यक्तिको जिवनमा हुनुपर्ने ज्ञान गर्ने छन् । ज्ञान महोत्सवको पूर्व सन्ध्यामा कलस यात्रा निकालिएको थियो । मानस सांस्कृतिक समाजले धनगढीको मोहना नदी देखि महोत्सव स्थल खुल्ला मञ्चसम्म कलस यात्राको आयोजना गरेको हो ।
रामकृष्णलीला ज्ञान महोत्सव कार्तिक ८ गते सम्म सञ्चालन हुने समाजका अध्यक्ष आदित्य जोशीले बताए । उनले भने, लोप हुँदै गएको धर्म, संस्कृति बचाउने उद्देश्यले महोत्सवको आयोजना गरिएको हो । महोत्सवको अवधिभर नौ दिन रामलिला र चार दिन कृष्ण लिलाको नाटक प्रस्तुत गरिने छ ।