धनगढी,११ भाद्र- धनगढी उप–महानगरपालिको न्यायीक समितिले मंगलबार आयोजना गरेको लैङ्गिक हिंसा बिरुद्धको डेउडा गित प्रतियोगितामा सहभागि महिलाहरुले कञ्चनपुरमा बलात्कार पछि हत्या भएकी निर्मला पन्तले न्याय नपाएको कुरा जोडदार रुपमा उठाईन ।

घटना घटेको एक बर्ष भन्दा बढी समय वित्दा समेत हत्यारा पत्ता लगाउन नसकेको भन्दै चाडो दोषी पत्ता लगाउन आग्रह गरिनर । गत बर्षको साउन १० गते भिमदत्त नगरपालिका उल्टाखामकी १३ बर्षिया निर्मला पन्तको बलात्कार पछि हत्या भएको थियो । त्यसैगरी डेउडा गित प्रतियोगितामा गर्भमा लिङ्ग पहिचान गरेर भ्रुण हत्या गर्ने क्रम बढेको भन्दै खेलाडीहरुले चिन्ता ब्यक्त गरे । घरेलु हिंसा, कार्यक्षेत्रमा हुने हिंसा र महिला कामदारको ज्यालामा गरिने बिभेदको बिषय पनि डेउडा गित प्रतियोगितामा उठ्यो ।

लैङ्गिक हिंसाको अवस्थामा बारेमा सन्देश प्रवाह गर्ने र न्यूनीकरणका लागि दवाव दिने उदेश्यले गौराको अवसरमा डेउडा गित प्रतियोगिताको आयोजना गरेको धनगढी उप–महानगरपालिकाका उप–प्रमुख तथा न्यायीक समिति संयोजक सुशील मिश्रले बताईन । न्यायीक समितिको संयोजक भएर काम गर्दा कल्पना गरेको भन्दा फरक किसिमका हिंसाका घटना फेला परे उप–प्रमुख भट्टले भनिन्, लैङ्गिक हिंसाको अबस्था कस्तो छ भन्ने बिषयमा आम जनमानसमा सन्देश दिन डेउडा गित प्रतियोगित आयोजना गरिएको हो । प्रतियोगितामा उप–महानगरपालिकाका बिभिन्न वडाबाट १० वडा महिला समुहहरु सहभागि भएका छन् । डेउडागित प्रतियोगिता दुई दिन सम्म चल्ने छ ।