बेलौरी, २१ असार – कञ्चनपुरको बेलौरीमा शुक्रवार साँझ भएको स्कुटर दुर्घटनामा परी दुईजनाको मृत्युभएको छ । बेलौरी नगरपालिका १० भुडामा भरतीय नम्बरको यु पी २६ एए ६५३८ नम्बरको स्कुटर कल्र्भटमा ठोक्किएर भएको दुर्घटनामा दुईजनाको मृत्यु भएको प्रहरीले जनाएको छ ।

मृत्यु हुनेमा भारतको कम्वोजनगरकी २३ वर्षीया पविन्द्रा चौधरी र पछाडी सवार सोही स्थानकी २३ वर्षकै मनिषा हमाल रहेका प्रहरीले जनाएको छ ।दुर्घटनामा परी गम्भीर घाइते भएका उनीहरुलाई उपचारका लागि भारत लैजाने क्रममा मृत्यु भएको ईलाका प्रहरी कार्यालय बेल्डाँडीले जनाएको छ ।तिव्र गतिमा रहेको स्कुटर अनियन्त्रित भएर दुर्घटना भएको हुन सक्ने अनुमान प्रहरीले गरेको छ ।