लोकबहादुर देउवा
लम्की १७ जेठ,
कैलाली जिल्लाको लम्कीचुहा नगरपालिका वडा नम्बर १ भुरुवामा रहेको बालकल्याण माध्यमिक विद्यालयमा लम्कीचुहा नगरपालिका स्तरीय अन्तर मावि तह वक्तृत्वकला प्रतियोगिता सम्पन्न भएको छ । गणतन्त्र दिवस २०७६ का अवसरमा लम्कीचुहा नगरपालिका शिक्षा, यूवा तथा खेलकुद शाखाको आर्थिक तथा प्राविधिक सहयोग र बालकल्याण माध्यमिक विद्यालयको आयोजनामा उक्त वक्तृत्वकला प्रतियोगिता भएको हो ।

लम्कीचुहा नगरपालिकाका १७ सामुदायिक र ६ निजी विद्यालय गरी २३ विद्यालयका २३ जनाको सहभागिता रहेको “गणतन्त्र दिवस र यसको महत्व ” विषयक वक्तृत्वकला प्रतियोगितामा बालकल्याण माध्यमिक विद्यालय भुरुवाका सरिता दुब्राकोटीले प्रथम, नेपाल राष्ट्रिय कर्णाली मावि चिसापानीका अमित बि।क। ले द्घितिय, जनसेवा मावि गणेशपुरका जानकी जैशीले तृतिय र स्वयम्भुनाथ विद्या मन्दिर बघौराका भुपेन्द्र देवकोटाले सान्त्वना स्थान प्राप्त गरेको विद्यालयका सहायक प्रधानाध्यापक रंगप्रसाद तिमिल्सैनाले बताउनुभयो ।

विद्यालय व्यवस्थापन समितिका अध्यक्ष रतन सुनारको सभापतित्वमा भएको कार्यक्रमका प्रमुख अतिथि लम्कीचुहा नगरपालिकाका वडा नक्बर १ का अध्यक्ष एवम् लम्कीचुहा नगरपालिकाका सामाजिक विकास शाखा प्रमुख जनक बम भएको थियो । कार्यक्रममा लम्कीचुहा नगरपालिका शिक्षा शाखाका अधिकृत नारायणप्रसाद खनाल, स्रोत व्यक्ति टीकाराम जोशी, नेपाल शिक्षक महासंघ लम्कीचुहाका अध्यक्ष रामप्रसाद तिमिल्सेना, विद्यालयका प्रधानाध्यापक रुपलाल जैशी लगायतका वक्ताहरुले शुभकामना मन्तव्य राख्नुभएको थियो ।

प्रतियोगितामा प्रथम, द्धितिय, तृतिय र सान्त्वना स्थान प्राप्त गर्ने विद्यार्थी र विद्यालयलाई कार्यक्रममा पुरस्कार तथा प्रमाणपत्र समेत वितरण गरिएको थियो । विद्यालयका अतिरिक्त क्रियाकलाप संयोजक प्रकाश बि।क। ले स्वागत मन्तव्य राख्नुभएको कार्यक्रमको संचालन विद्यालयका सहायक प्रधानाध्यापक रंगप्रसाद तिमिल्सैनाले गर्नु भएको थियो ।