काठमाडौं, पौष २३/अमेरिकामा राष्ट्रपति डोनाल्ड ट्रम्पको समर्थकले सडकमा निस्किएर हिंसात्मक प्रदर्शन गरेका छन् । ट्रम्प समर्थकले संसद भवनभित्र गरेको प्रदर्शनको क्रममा एक महिलाको मृत्यु भएको छ ।

प्रदर्शनलाई नियन्त्रणमा लिन नेशनल गार्डले चलाएको गोली लागेर एक महिलाको मृत्यु भएको हो । गोली लागेपछि मलिालाई अस्पताल लगिएको थियो ।

महिलाको उपचारकै क्रममा मृत्यु भएको बीबीसीले जनाएको छ । राष्ट्रपति चुनावको मत परिणाम उल्ट्याउने ट्रम्पको प्रयासले अमेरिकामा हिंसा भएको हो । अहिले अमेरिकी राजधानी वासिङ्टनमा कर्फ्यु लगाइएको छ । ट्रम्प समर्थकले बुधबार क्यापिट हिल्स भवनमा हिंसात्मक प्रदर्शन गरेपछि वासिङ्टनमा कर्फ्यु लगाइएको हो ।