धनगढी, २२ मंसिर/ सुदूरपश्चिम स्काउटमा नातावाद हावि भएको आरोप लागेको छ ।

नेपाल स्काउट सुदूरपश्चिम प्रदेश तदर्थ समितिको गत शुक्रबार धनगढीमा पद तथा गोपनियताको सफत ग्रहण भएको थियो । तर नातावाद र राजनीति हावि भएको भन्दै  ३ जना सल्लाकारले सपथ कार्यक्रम बहिस्कार गरे।

नेपाल कम्यूनिष्ट पार्टी (नेकपा)का सुदूरपश्चिम अध्यक्ष कर्ण थापाका छोरा नरेन्द्र थापालाइ प्रदेश संयोजकको जिम्मेवारी दिइएपछि सल्लाहकारहरु रुष्ट भएका हुन । उनीहरुले २९ वर्षदेखि स्काउटमा रहेकाहरुलाई संयोजक नदिएको तर राजनीतिक शक्तिको आडमा संयोजक तोकिएको ओरोप लगाएका छन । तर प्रदेश संयोजक थापाले भने केहि सल्लाकार र सदस्यहरु बिरामी भएकाले सफत ग्रहण कार्यक्रममा सहभागि नभएको प्रतिकृया दिए ।

नेपाल स्काउटका राष्ट्रिय संयोजक लोकबहादुर भन्डारीले उनीहरुलाई दीक्षा प्रदान गरेका थिए । कार्यक्रममा सुदूरपश्चिमका मुख्य मन्त्री त्रिलोचन भट्ट र सामाजिक विकास मन्त्री कृष्णराज सुवेदीको समेत सहभागिता रहेको थियो ।