धनगढी १४ असार- कैलालीमा मिलेनियम च्यालेन्ज कर्पोरेसन (एमसीसी) विरुद्ध बयलगाडा र्याली निकालिएको छ । ‘बयलगाडा चढेर अमेरिका पुगिन्न, स्वाभिमान बेचेको डलरले समृद्धि भेटिन्न’ भन्दै आइतबार धनगढीमा बोलन्या थलीले उक्त र्याली निकालेको हो ।
धनगढीको क्याम्पस रोडबाट रातोपुलस्थित मुख्यमन्त्री कार्यालयसम्म बयलगाडा ¥यालीमा युवाहरू स्वफुर्त रूपमा सहभागी भएको बोलन्या थलीका संयोजक यादव जोशीले बताए । उनले एमसिसी देशका लागि घातक रहेको भन्दै विगतदेखि नै आफुहरु रचनात्मक ढंगले प्रदर्शन गरिरहेको बताए ।
‘प्रधानमन्त्री केपी शर्मा ओलीले बयलगाडा चढेर अमेरिका पुगिन्न भनेर दिएको अभिव्यक्ति अनुसार नै स्वाभिमान बेचेको डलरले समृद्धि भेटिन्न भन्दै हामीले सांकेतीक र्याली निकालेका हौं’ संयोजक जोशीले भने ।
र्यालीमा करिब १५ बयलगाडामा करिब दुई सय युवाहरू एमससीविरूद्ध नाराबाजी गर्दै मुख्यमन्त्री कार्यालयसम्म पुगेको बोलन्या थलीका संयोजक यादव जोशीले बताए ।
